83岁蔡澜出院近照曝光！身体一处引网民关注，豪送30万普洱招呼朋友

83岁嘅蔡澜上个月底传身体出咗问题要入医院，仲话情况一度转差，要入ICU观察。之后蔡澜嘅秘书就覆传媒话蔡澜只系因为啲老毛病入院：「老毛病休息吓就好，冇乜大碍嘅，唔使担心。」之后蔡澜都喺社交平台报平安：「多谢大家关心，未至于病危，请唔使担心。一笑」

呢排休养紧嘅蔡澜，有网民喺网上晒咗探佢嘅相，仲获对方请饮30万嘅普洱同埋送咗份珍贵礼物：「去蔡澜先生豪宅，饮佢嘅三十万普洱！签咗几本图书之后，蔡先生仲送我礼物，呢个印有『佛』嘅布袋，签上食神之名都舍不得用！」

相入面见到蔡澜精神都算唔错，喺镜头面前神态自若、处之泰然，令大家放低心头大石。但都有人留意到蔡澜对脚有啲浮肿，网民都话：「突然感觉蔡先生老迈咗！」、「挂住佢，好欣赏佢活得通透。」、「最紧要身体健康」。

蔡澜同金庸、倪匡、黄沾曾经齐名香港四大才子，不过其中三位都已经走咗，依家净返蔡澜一个。对于生死，一早睇化嘅蔡澜亦都唔会避忌讲死亡。佢曾经接受访问话自己识嘅老友已经愈嚟愈少，希望自己喺唔知唔觉嘅情况下走，仲话自己拣喺香港过埋最后一程人生。

点击这里下载 TVBAnywhere+ 应用程式，马来西亚丶新加坡和其他海外观众一个 App 就能看到 TVB 最新电视剧、经典港剧、综艺娱乐和娱乐资讯。网页版同样可以在线观看。点击这里查看服务计划，或者马上注册观看免费内容。