购物车
-
您的购物车内没有产品！
-
-
简
- EN
- 繁
- 简
StarTalk | 李丽珍肥住拍戏感幸运 李靖筠自爆叛逆青春期
发布日期: 2024-09-23 | 娱乐热话
李丽珍、李靖筠（Gladys）作客《StarTalk》接受主播 王镇泉 Jeoffrey 专访，大谈新戏《望月》拍摄点滴。珍妹喺戏中饰演有一仔一女嘅单亲母亲，接拍电影时正值疫情尾段，珍妹笑指身形发福不少，但导演就反而好满意佢呢个身材，仲叫佢千祈唔好减。珍妹就觉得如果演员做到唔同类型、唔同身份、唔同样嘅角色亦系难得嘅事，加上唔使减肥都可以接到呢个角色，真系好幸运。
而Gladys呢次就饰演珍妹嘅叛逆囡囡，讲到喺现实生活青春期发生过嘅叛逆事件，自小家庭严格嘅Gladys就话自己为咗出夜街而喺工人洗厕所，晾起屋企电话，其后偷偷地出街。结果下场就系被屋企人闹到飞起。
珍妹就话自己十几岁时，因为放咗学同朋友玩得太夜而激嬲爸爸，搞到有次入屋时被爸爸用铁门夹亲，非常牙烟！去到而家成为人母，珍妹反而就冇担心过囡囡有反叛期，Gladys就话好羡慕珍妹囡囡有一个同朋友一样嘅妈妈。珍妹就话一切都系因为阿女性格够乖，令佢放心。
#StarTalk #李丽珍 #李靖筠 #王镇泉 #望月 #青春期 #叛逆 #亲情 #新戏 #港产片 #幸运
