巾帼枭雄之悬崖丨大奶奶谢雪心登场再展现霸气？ 亲解角色变慈母戴墨镜上阵有原因

近日热播中的台庆剧《巾帼枭雄之悬崖》，观众期待已久的谢雪心终于登场，由于心姐也是《巾帼》系列的核心人物，每一辑都担任重要的位置，就如在《巾帼一》演大奶奶阴险毒辣，当中有不少金句如「唔系你死就我亡，唔系鱼死就网破」、「你系我嘅天敌，天生嘅敌人！」等，大骂演四奶奶的邓萃雯，演得入型入格，终她更凭此剧获《万千星辉颁奖典礼2009》「最佳女配角」奖。

在第二辑的《义海豪情》中，心姐演的「喜姐」依然霸气十足，做事够狠，保护家业付出一切，两辑心姐也有不少骂人场口，隔着Mon也被其的霸气「吓亲」。

因此，不少观众对其今次剧中角色大表期待，而心姐今次演督军夫人，并戴上墨镜登场，她接受TVB.com 访问指此角与以往大有不同，内心戏复杂，相当有挑战。

她透露在剧中是龙督军（曾航生饰）的贤内助：「 今次恶就交畀督军，剧情讲我个仔喺荒岛出意外，之后被救番，而萧正楠出现我就当咗佢喺我个仔。」

不过她指人人都认为萧正楠并非「龙四海」，故督军又不认仔，只有心姐相信：「其实去到最尾我知佢唔系我个仔， 但系觉得就算唔系，都想有番个仔，所以呢个慈母心好难演 ，大家一定要睇到最尾一集会有出乎意料嘅剧情， 同埋我觉得编剧张华标好好，好识得将每位演员嘅长处发挥得淋漓尽致 。」

她续指此角展露慈母的一面，内心戏复杂：「 之前就系『仔阿仔，命就命 』嗰份爱可以表露无遗，但今次系内心， 我失散个仔咁耐，喺荒岛发生意外 ，救番嚟仲唔揽住佢锡，当个个都唔相信佢，自己都好矛盾。」

而且，剧中她戴上墨镜现身背后原因心酸：「因为讲个仔发生意外死咗 ，我伤心喊到只眼有问题，已经唔系好睇到嘢， 我只可以靠摸同感觉到个仔，所以呢个戏就唔可以靠眼神眼泪，要用另一种方法表达伤痛，对我都系新挑战。」