黄庭锋过五关斩六将任BLACKPINK Lisa港骚主持 与女神全程英语交流获赞表现出色

無綫小生黃庭鋒樣子俊朗，精通多種語言，之前主持奧運期間，更因表現出色、大晒流利日文訪問運動員贏盡好評。近日庭鋒獲睇中為韓國人氣女團BLACK PINK成員Lisa在香港舉行的首個個人亞洲巡迴見面會擔任主持。庭鋒接受tvb.com訪問時，被問到為何會被女神睇中做主持，他笑言：「我Send咗自我介紹Video，然後經過佢經理人公司、主辦單位、韓國嗰邊批刻，最後決定咗係我，初初收到消息真係難以相信，更加唔相信係自己一個主持晒成個Show。」

庭锋续指由于大部分流程差不多去到现场才决定，故此实时提早了六至七个小时抵达现场沟通及准备，仍难掩紧张心情：「今次系我加入演艺圈后，无论做主持又好、演戏都好，最紧张嘅一次，我用咗好多时间去消化呢件事、同一直认住点样可以做好啲。因为有好多嘢其实唔知系点发生，主要系去到现场先同个Show嘅韩国监制倾应该点做，因为份事前稿主要都系啲简单流程，去到现场好多变量。（你点同韩国监制沟通）全程有翻译帮我哋，感觉都好特别。」

获女神主动打招呼

庭锋又谓最难忘在台上教Lisa讲菠萝包：「嗰晚Lisa心情都好好，成个show大家好似喺度chit chat倾偈咁。（你哋用咩沟通？）今次台上系冇翻译嘅，全程英文同佢沟通，呢个都几得意，我未试过全英文去做一个Show。」他又指由于现场保安严密，一直未有机会与Lisa打招呼，最终却有幸于临出场前撞到准备出台的Lisa，Lisa即「趷高脚」主动跟他say hi之余，还叫庭锋Good Show，庭锋说：「佢真系好Nice，我同佢讲我系主持时，佢Thank You So Much 之后，即刻话：『Let's have a good show！』」 他又大赞Lisa好专业：「佢当日其实有少少唔舒服，但佢全程都表现得好开心，佢对香港都好多难忘回忆。」日前，霆锋在社交网大量见面会照片，亦吸引了现场粉丝留言及大赞：「没想到昨晚主持是你，你做得好好呀！」、「你英文劲好，又靓仔呀！」