异空感应｜丁乐锶演变态恋爱脑获赞靓女兼好戏 网民封「赵希洛2.0」 现实生活兼顾礼仪师工作

由王心慰（Amy姐）监制，戴德广编审的《大湾区航空日本四国德岛航线呈献：异空感应》，逢星期一至五晚8时30分翡翠台播映，主要演员有陈家乐、陈晓华、阮浩棕、谭凯琪、何远东、鲁振顺、文雪儿、龚慈恩、陈嘉辉、彭翔翎等。

《异空感应》过去连续两晚的剧情，饰演「变态爱情脑」的丁乐锶（Janice）凭借靓靓外表、Gfable的甜美笑容，及挥洒自如的癫丧特写镜头吸引关注，网民更封她为「赵希洛2.0」：「丁丁好靓女，希望多D戏份」、「灯勤女朋友几正，我钟意」、「有唐诗咏影子，媲美赵希洛」、「入咗行咁多年都仲keep得好好」、「痴女咁正又真系唔错」。丁乐锶Janice于2009年艺训班毕业后即凭《美女厨房》中的「美味天使」肠粉身分备受观众熟悉，入行多年亦曾参与过不少剧集拍摄，当中较突出的除有《杀手》中的兔女郎，还有《旁观者》中的超不负责任Mk妹妈咪。这次Janice再度突破自己饰演「变态爱情脑」，对此Janice接受tvb.com访问时，一再感恩Amy姐看到她「不为人知」的一面：「我由细到大都系古古怪怪、有少少神经质嘅，估唔到Amy姐会留意到，好多谢佢够胆用我演啲咁有发挥、又得意嘅角色，我之前真系好少有机会讲咁多对白。」

谈到拍摄难忘事，Janice笑言是「深爱阮浩棕」：「有时同阮浩棕对戏，会Feel到佢对我嗰种厌弃，一望到咁样我就有啲惊，觉得自己好难爱上呢个人，加上我哋拍之前完全唔识大家，所以成件事并唔系想象中咁简单，我最后唯有打畀张达明老师嗌救命，佢就教咗我一啲快速投入角色嘅方法。（点解会搵张达明？）之前Join过佢嘅演技班，佢喺我心目中系师父，佢真系好似爸爸咁，就算个Course完咗，你有咩问题佢都好Welcome你打去问佢。」Janice续指造型上「爱的纹身」及刀疤，也是难度所在，皆因相当花时间及功夫：「拍嗰时天气都几干燥，着长袖衫会好易整甩个妆，所以要不停边拍边补；同埋因为啲刀疤要用风筒吹干，所以都会流血同爆拆。仲有就系啲刀疤要Keep住相同嘅数量啦，有时都要谨记住同提番个化妆师。」

另Janice早前出席活动时，曾提及除了拍戏追逐演艺梦，还因为阿姨关系有兼顾礼仪师工作。问到Janice平时主要负责工作时，她说：「阿姨主要为基督教同无宗教嘅丧礼仪式做礼仪师，有时系追思会、亦处理过火葬同土葬。太传统嘅仪式我未必好帮到，我多数都系执头执尾，可能系帮手迭番靓啲花，例如帮手剪靓同迭靓啲花、然后畀宾客放喺棺木上，又或者睇吓家属需唔需要帮手处理帛金，又或者喺佢哋心情好差时，有咩帮到手都尽量去帮手。呢个行业最大嘅难处，可能系有时见到逝者嘅亲友好伤心咁喺度喊，就算自己受到感染都要尽量忍住唔好喊，要尽量保持番个平衡。同埋每位家属要求都会唔同、唔同场地做法亦唔一样，土葬和火葬也是不同处理方法，所以要学习的东西很多。」Janice还指由于尸体有分级别，故并不是所有仪式都能够安排瞻仰遗容。