异空感应｜张美妮演「惨情女教师」获赞喊得真实 为投入角色离家出走兼玩自闭 笑言遭蔡志恩一掴开窍

《异空感应》本星期的重点单元个案人物分别是「衣冠禽兽」陆文辉（蔡志恩饰），及惨遭其性虐及操控的中文教师冯卡雯（张美妮饰）。表面是模范警察的陆文辉，私下性变态兼对前妻卡雯拳打脚踢之余，更利用之前拍下的性爱片段，一再逼令前妻玩SM甚至参与3P性爱活动，令卡雯苦不堪言…文辉死后，卡雯及一名神秘网络男Sigma成为最大嫌疑凶手…由于本星期单元峰回路转、剧情离奇吸引，在网上掀起竞猜谁是凶手热讨，除了Big Boss候选人阮浩棕，还有落亲口供都喊到梨花带雨的张美妮。

现年44岁的张美妮（Geena），今次演出《异空感应》相当有发挥，集柔弱、可怜及惊青于一身的她，多场差馆喊戏喊得相当逼真，网民：「张美妮喊得好似」、「艺训班出生，唔系流的」。谈到是次单元角色相当抢焦，张美妮接受tvb.com访问时坦言过足戏瘾，并透露为了做好角色一度「离家出走」，张美妮说：「呢个角色真系好大挑战，因为未试过演内心咁复杂嘅角色。一个suppose好正能量嘅老师，背后原来背负住咁惨痛同黑暗嘅经历，所以真系要用好多时间去揣摩。」

「我记得收到剧本时，已同定老公讲话家庭嘢嗰段时间我会理少啲，自己就成日攞住个剧本出街，静静咁思考个角色会系点同应该点做。」虽然拍摄时间多为晚上，但为了全情投入，张美妮每天一大早便会离开屋企，然后过着「与世隔绝」的生活：「任何电话WhatsApp都唔听唔理，等自己好似卡雯咁生活，因为佢角色背负嘅嘢太多，我觉得唔预早投入多啲会唔够真实。我仲记得我嗰时养成咗个习惯，就系坐多咗好多巴士，都系一个几好嘅me time去重拾番演戏嘅投入。」

张美妮又感激「前夫」蔡志恩「出尽力」令她更投入角色：「佢打我嗰场戏，因为佢好gentleman，初初拍时留咗力，但拍咗一阵我就叫佢狠狠地打落嚟，因为一来拍出嚟更加真实，二来大家都有大啲嘅感受同冲击。结果佢好大力咁打完我之后，我真系对卡雯呢个角色多咗更加真实嘅感受，唔再需要靠幻想去投入，之后开工都快投入好多。」张美妮又透露今晚播出的天台企跳戏，她拍摄期间除全程瑟缩一角抵着寒风投入角色，还每次Roll机都忍不住泪如雨下，即使只是拍摄双脚特写，眼泪还是犹如开水喉般不受控：「我记得工作人员当时有提我要留力、惊我之后喊唔到，但唔系我唔想留力，系一roll机我就进入咗个角色。可能因为埋位前我系咁同自己讲要keep住入戏、唔松得，因为一松咗就好难有番嗰种咁真实嘅想死念头。」

被公認是「美魔女」的張美妮，早前憑社交網一張「黑絲美照」引發熱議，被指靚出「44歲新高度」！不過細問來張美妮保養keep弗心得相當簡單，主要選擇適合自己的護膚品、保持清淡飲食，及勤做運動，當中尤以做運動最為重要：「我本身好鍾意做運動，因為做運動先會健康，健康先會靚。如果你好唔健康，飲食又亂嚟，就好難由裏面靚出嚟。所以如果可以，我一星期至少會做三日運動，以前帶氧運動，近年開始跟教練做重訓，話晒40歲過後肌肉流失，冇咁容易keep到瘦。同埋每次做完運動心情都更好，覺得自己好似好努力向上咁，會令自己更加正能量，所以話『真係冇醜女人，只有懶女人』。」

現實中是多間髮型屋和餐廳老闆娘張美妮，因為老公是髮型師關係，早於2008年投資5位數開設首間髮型屋，並陸續設立分店，之後再於2013年開設餐廳踩入飲食界，被譽為「跨界女強人」。問到近年生意是否愈來愈難做，張美妮直認不諱，但她仍樂觀面對時代轉變及難關：「我啲髮型屋主要喺住宅商場入面，都係民生嘢，變相要更落力去諗點做好啲，例如諗啲更多適合大家嘅promotion，努力提升質素同埋服務再貼心啲。雖然艱難，但凡事都有正反面，就算實體店會易畀網絡嘢取代，但同時我哋亦可以諗吓點好好利用網絡呢個工具去幫自己宣傳。香港人精神一定得嘅，因為香港人適應力好快、亦都好適變通。」