方力申宣布爱女中文名背后有意思 感叹人父唔易做 已为下胎做准备

方力申自荣升人父后，有女万事足，不时分享与女儿的点滴。今日（26日）佢再大晒与囡囡合照，发长文分享成人夫兼人父的感受。

佢自言做了近3个月的爸爸，感受多多：「如果人生系一场游戏，单身嗰阵我觉得自己都几好，工作稳定，有过啲成绩，自己同父母都健健康康，呢个游戏玩得几好！但结婚后，我发现呢个游戏突然难咗好几级！」

佢明白到结婚后要好好实践一生一世的承诺，再加上女儿出现要做得更好，「『养儿一百岁长忧九十九』」呢句说法，完全中！各种计划、担心不断涌现，唔只系我，仲有我太太一齐经历，令我觉得未来呢个旅程系一定会更加刺激，心入面紧张得来，又充满期待！

「每个人都有唔同选择去过人生，单身，就系将「自己」活出极致，结婚生小朋友，就系将『我』变成『我们』。」

佢更宣布囡囡的中文名为「方爱嘉」，背后甚有意思：「拣『爱』字系因为我屋企房间门口有两幅书法分别系『爱』同『家』。对我嚟讲，家庭系最重要，『爱家』系我生活嘅重心。而且『爱』嘅普通话发音又可以同Isla呼应。至于『嘉』字，系老友陈定帮师傅帮我哋改嘅，发音亦系同『家』字一样。」

佢续说：「我哋嘅家庭Family，F代表Fong，A系Alex，M系Maple，I系Isla，L系未来嘅宝宝，Y系Yip，既然中英文意思都咁夹，所以就干脆叫佢爱嘉啦！Isla 爱嘉，爸爸今日嘅愿望就系希望妳能够一生平安、健康、快乐！（其他就随缘啦）」似乎方力申已为下胎做好准备，不少圈中好友也指感受到其那份做爸爸的喜悦之情。

相片来源: IG@alexfongliksun

点击这里下载 TVBAnywhere+ 应用程式，马来西亚丶新加坡和其他海外观众一个 App 就能看到 TVB 最新电视剧、经典港剧、综艺娱乐和娱乐资讯。网页版同样可以在线观看。点击这里查看服务计划，或者马上注册观看免费内容。