《正义女神》刘倬昕法庭Solo戏痛哭自责抢FO　畲诗曼亲授入戏秘诀：我系好难先会喊嘅人

《正义女神》今晚（30日）首集就以14岁青少年罪犯高成彬（刘倬昕饰）喺法庭嘅Solo戏作重点，演出实时引起唔少关注。剧情讲到天台游乐场发生悲剧，8岁小童胡宇泽堕楼身亡；而年仅14岁嘅殿堂级大状高淑桦（陈炜饰）之子高成彬被控谋杀，案件震撼全城。

法庭上，高成彬讲述案发经过时指自己曾见到胡宇泽行得好危险，企咗上栏杆并跣脚向前冲，想救但终究未能成功。随住讲述愈来愈激动，高成彬慢慢双眼通红、全身颤抖，痛哭流涕自责说：「嗰日我系天台睇风景……我冇谂过佢会企上咗个栏杆，更加冇谂过因为咁死咗。」

高成彬直言「系我衰」，更表示若非自己笑咗对方，自己就捉得住他，亦唔会害死他，情绪真系非常爆发；惟其后佢同苏丽慈（文颂娴饰）对话时实时「变脸」，露出阴沉眼神并表示「我系故意」，令现场观众睇得心寒。

唔少观众都表示对刘倬昕嘅表现感到惊喜，由初时喺法庭痛哭自责的无辜情绪，到后期突然流露出阴森一面，作为新人嚟讲已经相当出色，亦有网民留言称「初头比高成彬呃咗」、「佢做得几好喎」以及「佢好恐怖」。

刘倬昕喺接受tvb.com独家访问时透露，呢个角色最难系走入高成彬的世界，因为高成彬同佢性格「好极端」。她又提到，今次反串演14岁青少年，连声线都特别作出调整，需长时间压低把声，即使声沙都要keep住，起初唔习惯但慢慢变得自然。

对于法庭情绪爆发嘅挑战，刘倬昕直言自己本身「系好难先会喊嘅人」，要做到喊出来并唔易，所以最初收到剧本后曾谂方法用「扩张鼻孔」令自己更容易进入状态；但到现场最终仍要靠入角色，先做到委屈感觉。至于正式Roll机时，情绪亦未达标，故非常感谢畲诗曼细心协助：畲诗曼同她倾番角色，提议想象到亲眼见到小朋友跌落街嗰种无助感，更即场示范令她掌握到感觉，仲令佢自己眼湿湿。

刘倬昕亦指，总监制钟澍佳当时有特意安排，甚至安排她连续两日喺片场「冇理到我」，亦唔畀她同人玩，令她几乎冇同任何人沟通，从而令她更深刻感受到孤独同无助，最终拍摄时更能够真正入到角色。

相片来源: 正义女神

点击这里下载 TVBAnywhere+ 应用程式，马来西亚丶新加坡和其他海外观众一个 App 就能看到 TVB 最新电视剧、经典港剧、综艺娱乐和娱乐资讯。网页版同样可以在线观看。点击这里查看服务计划，或者马上注册观看免费内容。