《中年好声音4》「头号杀手」范子睿即兴清唱《有心人》凼掂女档贩 成功半价入手生果

《中年好声音4》本周日（5日）晚上8点翡翠台播出「黑白荣耀换位赛」最终回。

上弦黑队「头号杀手」范子睿来自广州，虽然由细睇TVB(TVB)剧大，但就唔算成日嚟香港，所以开赛前节目组特登带佢去果栏打卡，仲玩埋「TVB(TVB)冇乜嘢剧喺呢度拍」快问快答，对于一直睇TVB(TVB)剧长大嘅子睿当然零难度。之后子睿去生果档买生果，落足口水凼姨姨畀折头，仲即场清唱《有心人》，凼到姨姨笑到见牙唔见眼，最后子睿成功用半价买到一盒草苺。子睿坦言最初参加《中4》只系谂住上到电视就收货，但当评审畀佢5灯兼大赞佢唱功劲，子睿当时直认有啲唔知点反应：「其实我真系唔知自己劲喺边，所以唔知畀咩反应。」子睿又觉得《中4》好似一个加油站，身边个个都会同佢讲「加油」等鼓励说话，令佢觉得好有爱。

返到比赛，子睿再次挑战惨情歌，拣咗唱《怎么说我不爱你》。上次佢以「失恋癫佬Look」演绎《忘情冷雨夜》，今次就唔再披头散发，Gel到All Back头，以「干净」型格Look见人。唱完之后子睿仲自赞：「其实细心嘅朋友肯定会发现我今日靓仔咗。」海儿一听即刻皱眉兼扁嘴，摆出难以置信嘅样，相当搞笑。不过海儿都赞子睿处理轻、重声好出色：「轻，你永远听得清楚佢嘅轻；重，永远都唔会觉得佢吵耳。」

相片来源: 《中年好声音4》

点击这里下载 TVBAnywhere+ 应用程式，马来西亚丶新加坡和其他海外观众一个 App 就能看到 TVB 最新电视剧、经典港剧、综艺娱乐和娱乐资讯。网页版同样可以在线观看。点击这里查看服务计划，或者马上注册观看免费内容。