《正义女神》颜仟汶控制狂母亲打烂门锁逼疯女儿　窒息式管教引爆热议

《正义女神》昨晚（20日）一集，颜仟汶演的「控制狂」母亲，表现得好到位，令人看得肉紧！颜仟汶系雅文阿Cat（陈若思饰）的母亲，对女儿管教严厉，不但唔畀佢同同学聊天，亦唔准佢参与课外活动，只可留喺屋企温习。

之后因为雅文迟回家而报警求助，两母女更因此嘈交，颜仟汶一度发狂拎槌仔打烂女儿房间门锁，样子凶狠，亦大骂「你以为锁咗门我就开唔到呀！」、「我听日就搵人返嚟拆咗度门」。

另一幕系雅文被捕为杀猫凶手，颜仟汶上庭作供时自言「唔识教女」，唔让女儿参加任何课外活动，亦唔想佢胡乱识人，原因系想佢努力读书；她指自己咁做只系想保护佢，上网打机会阻住佢读书，所以没收手机，每日放学都要天黑前返到屋企，如当日要加班，就要佢返到屋企用屋企电话同佢报到，将控制女儿疯狂的一面展现出嚟。

不少网民都赞颜仟汶演得淋漓尽致，亦指因婚姻失败而将情绪发泄到女儿身上，并要控制女儿一举一动，完美呈现出那份窒息的爱。亦有留言话「演技太好了」、「我系囡囡都被你逼疯」、「恐怖妈妈」。

另外，颜仟汶亦喺社交网分享角色感受：「演完《正义女神》Cat妈妈Sandy，心情久久未能平复💔睇返自己砸门砸锁、强行管控啊女嘅戏份，内心真系五味杂陈。」

她亦希望家长适时放手，互相尊重，指拍摄时自己已经好唔认同呢种令人窒息嘅爱，亦指仔女唔系父母嘅附属品，更唔系用来圆梦、满足期望嘅工具。她认为小朋友成长需要空间同尊重，唔好捉得太紧，多啲信任佢哋、少啲压力同责备，用心栽培，识得放手，仔女先可以自在长大、向阳而生。

相片来源: 《正义女神》截图

点击这里下载 TVBAnywhere+ 应用程式，马来西亚丶新加坡和其他海外观众一个 App 就能看到 TVB 最新电视剧、经典港剧、综艺娱乐和娱乐资讯。网页版同样可以在线观看。点击这里查看服务计划，或者马上注册观看免费内容。