《2026香港小姐竞选》即日起全球招募 郭柏妍重现经典踩板 倪乐琳开篷车飘逸长发抢Fo

由电视广播有限公司主办、全城关注嘅选美盛事《2026香港小姐竞选》全球招募就快展开，即日（4日）起接受全球佳丽报名。今年大会以「敢 · 至完美」做招募主题，希望参选佳丽勇于接受挑战、够胆展现真我、力臻完美，截止报名日期系5月25日。

为咗隆重其事，TVB今午喺电视广播城开盛大记者会，仲会首播由港姐倪乐琳、郭柏妍同陈桢怡拍摄嘅宣传短片畀大家抢先睇！据知，三位港姐每人都拍咗一条时长约半分钟嘅短片，而且主题各有不同，分别系「响往独立自主」、「勇于追求真爱」同「跳出日常框框」，三条短片会陆续喺翡翠台黄金时间同官方社交平台播出。"

喺1分钟抢先睇宣传片入面，着住Casual Wear嘅倪乐琳坐住开篷跑车四围闯，之后又去到海边自由自在咁跑大晒飘逸秀发之余，仲会「女力士」上身推车，展现女性Carefree又独立自主一面。至于以少女打扮上阵嘅郭柏妍，就会重施《下流上车族》嘅经典踩滑板绝技勇敢追爱，全程带住Gfable甜笑同Bling Bling眼向另一半送上「笑哈哈」情侣戒指，衬晒佢嘅Cutie性格。OL打扮现身嘅陈桢怡就以「高冷Tone」出奇不意咁喺办公室入面「突破领域与时空」忘我打鼓，因为够破格又有型有款，赢尽同事掌声。原来陈桢怡本身学过打鼓，所以当日喺拍摄现场好快就上手。

点击这里下载 TVBAnywhere+ 应用程式，马来西亚丶新加坡和其他海外观众一个 App 就能看到 TVB 最新电视剧、经典港剧、综艺娱乐和娱乐资讯。网页版同样可以在线观看。点击这里查看服务计划，或者马上注册观看免费内容。