《中年好声音4》陈旭培母亲节爆喊！未听父母辞职追梦 选《笑忘书》眼湿湿

《中年好声音4》将于本周日（10日）晚8点翡翠台播映「人生之歌」上半场。今集喺母亲节播出，多位选手喺舞台上歌颂亲恩，气氛好感人，亦引爆全场泪腺；三位女评审肥妈、海儿同谷娅溦仲「喊了几盒纸巾」。

陈旭培未遵父母意愿辞职追梦

「靓仔配音员」陈旭培赛前接受访问时提到，小时候好多重要嘢都由妈妈安排，佢亦好爱母亲，会遵从对方决定，但佢坦言当时都会谂：「点解我唔可以决定番自己条路点行呢？」旭培一直热爱唱歌，但母亲唔想佢用前途作赌注。佢虽然明白父母每次决定都系为佢好，但佢真系好想走自己嘅路。

结果去年踏入35岁，旭培最终鼓起勇气追梦，瞒住父母辞去正职，并参加《中4》。

父母得知后又嬲又担心，但旭培参赛期间仍有唔少兼职工作，例如旧老板或亲戚会找佢做Freelance。父母见到儿子财政上未有太大问题，先放下心头大石，亦慢慢支持佢追梦，并喺亲友面前经常赞佢唱歌好听。

选《笑忘书》讲和过去 忍唔住泪崩

旭培今次选唱《笑忘书》出战，就系想用豁达态度去忘记过去，想同过去的自己，以及父母达成和解。佢喺台上投入演绎，全程眼湿湿，唱毕之后都忍唔住落泪。车婉婉表示佢背负包袱参赛，旭培就讲包袱嚟自父母，不过佢亦补充父母好爱锡佢，除咗支持佢唱歌，亦会支持佢所有决定。

之后车婉婉话会送礼物俾旭培，大屏幕跟住播放佢同父母的合照，亦播出父母预先录下的鼓励录音。旭培听完忍唔住泪崩，场面极度感人。之后车婉婉再表示仲有一份礼物送给旭培，再度引爆全场泪腺。

相片来源: 《中年好声音4》

点击这里下载 TVBAnywhere+ 应用程式，马来西亚丶新加坡和其他海外观众一个 App 就能看到 TVB 最新电视剧、经典港剧、综艺娱乐和娱乐资讯。网页版同样可以在线观看。点击这里查看服务计划，或者马上注册观看免费内容。