购物车
-
您的购物车内没有产品！
-
-
简
- EN
- 繁
- 简
《中年好声音4》莫家淦死都唔肯同老婆讲肉麻嘢 海儿一句反击问到佢语塞
发布日期: 2026-05-08 | 娱乐热话
《中年好声音4》本周日（10日）播映「人生之歌」上半场，撞正母亲节，多位选手趁住呢个日子喺台上唱歌歌颂亲恩。莫家淦就拣咗《今生今世》送畀老婆，多谢对方一直尽心尽力打理屋企照顾家庭，成段表白又感人又几搞笑。
家淦自爆一向唔识讲肉麻说话，车婉婉即刻追问：「你系嗰啲传统男人唔讲我爱你？」家淦尴尬应：「系啰。」畀车婉婉催到冇得走，家淦唯有Chok样对住镜头笑住讲「I Love You」，仲话：「嬉皮笑脸咁就讲到，但要认真讲就讲唔到。」之后佢收起笑容，讲到想借《今生今世》嘅歌词同太太讲，嚟生如果仲有机会都想继续一齐。
海儿听完都好奇，追问家淦点解讲唔到肉麻嘢。点知家淦即刻反问一句：「海儿老师你拍过拖未？」海儿实时尴尬「哗」一声避答。家淦就坦言拍拖嗰阵会同老婆拖手，但有咗两个小朋友之后，就变咗各自拖住一个。呢个时候海儿语出惊人：「你冇得拖佢，咀咪肉麻啲啰！」即刻笑爆全场。
相片来源: 《中年好声音4》
点击这里下载 TVBAnywhere+ 应用程式，马来西亚丶新加坡和其他海外观众一个 App 就能看到 TVB 最新电视剧、经典港剧、综艺娱乐和娱乐资讯。网页版同样可以在线观看。点击这里查看服务计划，或者马上注册观看免费内容。
原文刊登于
TVB.COM
