《中年好声音4》「东方不败」尹景顺唱《阿嬷的话》献过世婆婆 93分直晋级催泪弹

《中年好声音4》昨（10日）晚播映「人生之歌」上半场。压轴登场嘅系「东方不败」尹景顺。佢今场献唱萧煌奇为纪念祖母所创的闽南语歌曲《阿嬷的话》，系特登送俾过世的婆婆，背后真系好有洋葱。

景顺由细住喺婆婆屋企，同婆婆嘅感情特别深厚。佢回想同婆婆相处嘅片段时，眼神满满系唔舍同思念：「阿婆对我嚟讲系非常非常重要嘅一个人，虽然佢依家唔喺度，但系佢以前讲嘅每一句说话，我都会记一世。」不过因为婆婆因病离世，景顺未能赶到见其最后一面。佢亦寄语大家：「人喺度嘅时候对佢够好，就唔需要遗憾。」

景顺真情流露，佢入心入肺嘅演唱成功引爆催泪弹；加上佢一贯保持嘅演唱实力同技巧，最终豪夺93分。佢拣咗「进取之路」，亦因此直接晋级。

肥妈见到呢一幕都忍唔住泪崩，表示：「你搞到我喊到成只狗咁，你要明白我有17个孙啊！你带到我哋去一个好温暖，好温馨嘅家庭里面，每一粒音都到位，同埋畀到嗰message畀我哋。」，而同样同婆婆感情好深嘅海儿亦直言感同身受，并隔空喊话：「婆婆都有睇《中年好声音4》，想同婆婆讲婆婆I love you！我爱你！」

相片来源: 《中年好声音4》

点击这里下载 TVBAnywhere+ 应用程式，马来西亚丶新加坡和其他海外观众一个 App 就能看到 TVB 最新电视剧、经典港剧、综艺娱乐和娱乐资讯。网页版同样可以在线观看。点击这里查看服务计划，或者马上注册观看免费内容。