罗子溢《警是个大佬》街头拍摄被偶遇！肌肉量吓亲网民私下专业又亲民获赞

发布日期: 2026-05-13 | 娱乐热话

罗子溢（原名：罗仲谦）除咗家庭生活美满，演艺事业都一路愈做愈掂。去年佢主演嘅《金式森林》好受观众认可，虽然最后失落视帝宝座，但演技仍然赢尽口碑。

日前，罗子溢正为新剧《警是个大佬》开工。剧中佢再挑战高难度演技，需要演绎灵魂附体后嘅反差性格。最近有唔少市民喺街头拍摄现场偶遇佢，佢亲民、健康同专业嘅形象，令佢喺小朋友同妈妈群体之中都特别受欢迎。

有幸运网民分享偶遇经历，指罗子溢私下完全冇架子，仲会主动同粉丝自拍。相片见到，罗子溢身穿紧身白色上衣，多年健身成果一览无遗，尤其系粗壮手臂线条同厚实胸肌，令不少网民直呼保养得好好、阳刚味十足；亦有粉丝看完都「心心眼」，称赞：「佢肌肉好大...」

除咗外型吸睛，罗子溢嘅专业态度亦令路人印象深刻。有粉丝透露，喺等拍摄空档时，罗子溢并唔系低头玩手机，而系一直专注背诵对白。网民都感叹佢将演员当成一份专业，而唔系靠光环；再加上佢出色外型，难怪会被形容为「内外兼备的好男人」。

相片来源: 小红书图片

点击这里下载 TVBAnywhere+ 应用程式，马来西亚丶新加坡和其他海外观众一个 App 就能看到 TVB 最新电视剧、经典港剧、综艺娱乐和娱乐资讯。网页版同样可以在线观看。点击这里查看服务计划，或者马上注册观看免费内容。

原文刊登于 TVB.COM

购物车