《香港探秘地图》黎耀祥化身市井风水师放笑弹 龚嘉欣爆炸头黑色鱼网Look抢镜

《香港探秘地图》以7大香港都市传说做蓝本，下周一（18日）起逢星期一至五晚八点半喺翡翠台播映。除咗单元故事又灵异又有趣，仲带住浓厚人情味够晒吸引，视帝黎耀祥（祥哥）同视后龚嘉欣嘅再度合作亦自然成为焦点。

嘉欣同祥哥早喺2020年剧集《杀手》已经有多场埋身肉搏嘅精彩对打，当时祥哥仲点名称赞嘉欣操作表现出色。今次相隔6年再合作，虽然唔使再打到飞起，但二人照样有连场「埋身肉搏」场口，因为一碰头就争辩不休唇枪舌剑，获封剧中「斗气冤家」。

唔止祥哥同嘉欣喺剧入面擦出无限火花，二人角色设定同样系必睇卖点。以演小人物见称、纵横影视圈40年嘅祥哥，过往最深入民心嘅多数都系小人物或市井之徒，好似《人在边缘》嘅「曱甴」、 《西游记》嘅「猪八戒」、 《射鵰英雄传》嘅周伯通，同电影《生化寿尸》嘅「驹哥」等，小人物代表作多到数唔晒。

今次祥哥相隔接近十年再会观众，饰演集无赖、市井、轻佻同小聪明于一身嘅「风水大师」庄一臣，再度放出佢嘅搞笑看家本领，势必又一次成功入屋。

至于近年凭《新四十二章》嘅「生须猪肉娇」同《灵戏逼人》嘅「花痴女鬼」令唔少观众见识到搞笑一面嘅嘉欣，今次会再度喜感大爆发，饰演口才了得加最强大脑嘅「百变打假网红」毕萍（顾名思义性格不平则鸣）。

为咗配合角色「网红」人设，嘉欣有时会以比较哗众取宠嘅言行同造型登场。根据剧组今日率先发布嘅宣传剧照，嘉欣其中一个爆炸头＋黑色鱼网Look已经够晒出位；为咗搞笑效果，嘉欣仲唔惜自毁颜值，以「拍扁式毁容Look」上阵，净系睇剧照都喜感十足，期待值爆灯。

点击这里下载 TVBAnywhere+ 应用程式，马来西亚丶新加坡和其他海外观众一个 App 就能看到 TVB 最新电视剧、经典港剧、综艺娱乐和娱乐资讯。网页版同样可以在线观看。点击这里查看服务计划，或者马上注册观看免费内容。