《夫妻的博弈》郭柏妍「绿茶」真面目终极拆穿　当众翻旧帐爆性格反差靠入戏

《夫妻的博弈》昨（7日）晚播出一集，最令人痛快的一幕，莫过于幸如（高海宁饰）当众揭穿「假闺密」潘雪文（郭柏妍饰）嘅真面目！

剧情讲到，重塑形象嘅幸如拉着一直针对自己嗰「三人组」，同埋雪文当面对质，仲联同浩恩（何广沛饰）一齐拆穿雪文过往种种嘅谎言。原来潘雪文一直暗地里不断制造误会，喺同学面前抹黑幸如，包括诬蔑佢偷MP3、又用模仿幸如字迹去串窜改情书等一啲令人不齿嘅行径。

不过即使「绿茶」面目被拆穿，雪文都一样冇醒。佢先系继续扮无辜、厚面皮应对，见咁样都唔得，就索性彻底撕破脸，向「三人组」嗌爆：「我讲啫，你哋唔识去求证㗎，我冇叫你哋去欺凌佢㗎，你哋自己去欺凌人，依家走嚟怪我啊！」到最后仲反过来怪幸如，话：「最衰就系你！枉我一直对你咁好」。

但系当雪文再想求幸如原谅都唔得之后，雪文就露出凶狠眼神，立誓要幸如偿还一切，恶女形象一路贯彻到底！

郭柏妍今次嘅突破性演绎，明显令观众眼前一亮。她亦提到，为咗更好投入角色，自己特别写长篇人物小传，但因为本身性格同角色反差太大，起初一度真系难以融入；好彩有监制、对手演员嘅引导，先顺利入到戏。她就形容：「好希望真系做得坏啲，令到大家相信我都系一个衰人嚟嘅。」

郭柏妍又坦言，自己同高Ling饰演嘅幸如之间感情唔系单一嘅恨，而系由爱生恨：「虽然大家表面觉得我好憎佢，但其实我自己心入面系好钟意佢，钟意到变咗恨佢。」另外，佢都忆述其中一场戏到而家都好有印象：当时佢哋喺颁奖台到向幸如多谢，虽然其实当中有佢「好坏」嘅一面，但就可以慢慢用呢啲位去融入角色。

相片来源: 《夫妻的博弈》

点击这里下载 TVBAnywhere+ 应用程式，马来西亚丶新加坡和其他海外观众一个 App 就能看到 TVB 最新电视剧、经典港剧、综艺娱乐和娱乐资讯。网页版同样可以在线观看。点击这里查看服务计划，或者马上注册观看免费内容。