购物车
-
您的购物车内没有产品！
-
-
简
- EN
- 繁
- 简
「不老男神」苗侨伟操Fit短片惊人！网民洗版狂赞超有型
发布日期: 2026-08-15 | 娱乐热话
68岁嘅「三哥」苗侨伟，一向都系圈中公认嘅型男，亦系大家口中嘅「不老男神」！佢唔单止高大英俊，保养都做得好到位；而且因为长年都坚持操肌，练到一身密实肌肉，所以体能方面完全唔输年轻人。近日，苗侨伟喺社交平台分享咗一段操Fit嘅健身短片，一播出就震住好多网民。
短片入面，三哥先跟住教练做慢跑热身；镜头一转，就见到佢双脚微蹲，双臂快速交替揈战绳，甩出连续波浪，动作利落又好顺畅。之后佢再同教练热血打拳，身手敏捷，轻松灵巧咁躲避攻击；而佢出拳亦快、狠、准，整个高强度训练过程都令唔少人睇到目瞪口呆。唔少留言都直接大赞：「三哥你太厉害啦！超有型」。
当中，宝贝女儿苗彤（Phoebe）亦冧爆留言：「nice dad！」；而黄翠如就更即刻秒变「迷妹」，仲心心眼大叫：「大型太大啦！」至于袁伟豪都唔少得，亦惊叹道：「可以参加香港先生喎！」
相片來源: 苗侨伟IG
点击这里下载 TVBAnywhere+ 应用程式，马来西亚丶新加坡和其他海外观众一个 App 就能看到 TVB 最新电视剧、经典港剧、综艺娱乐和娱乐资讯。网页版同样可以在线观看。点击这里查看服务计划，或者马上注册观看免费内容。
原文刊登于
TVB.COM
