Shopping Cart
-
Your shopping cart is empty
-
-
EN
- EN
- 繁
- 简
美食新聞報道｜「星級飯腳」江嘉敏推介嚤囉街日式串燒店，必食雞肝 雞大動脈何等滋味？｜黃婉曼｜倪嘉雯｜黃嘉雯
Release date: 2025-01-09 09:00 | Highlights
今集《美食新聞報道》嘅「星級飯腳」係「瘦身專家」江嘉敏（Kaman）。出道至今形象百變，經常成為話題焦點嘅佢今日帶咗行仔蔡景行去港島區搵食！ 呢間享用健康減脂波奇飯嘅餐廳，係由Kaman嘅瑜伽老師推薦。佢哋嘅海鮮盛宴，食材豐富口感都有好多層次！入口首先是脆卜卜嘅蟹籽，之後有爽脆清新嘅青瓜同鮮甜嘅海鮮等等，搭配自製醬油，激發出三文魚同吞拿魚嘅甜香。仲有雞胸牛腱嘅波奇飯，用咗自家製慢煮雞胸，而小食就係非油炸嘅手打蝦餅，行仔將辣醬誤以為係茄汁，一齊食嘅一刻搞到辣「噴火」。 試完健康美食之後，佢哋嘅第二站就去咗品嚐邪惡串燒！有表皮焦香酥脆嘅雞脾肉，入口多汁，香味十足！雞大動脈，煙韌的口感，油香四溢，仲有兩位都對雞肝讚不絕口，大讚好吃到說不出話，一入口油汁在口中爆開，外表焦脆，內裡則是入口即化，非常有驚喜！紫蘇墨魚滑，融合秘製醬汁，紫蘇葉與墨魚滑融為一體；雞湯烏冬，湯底濃郁，沒有添加味精，滿口都是雞的鮮甜及骨膠原。
