Your shopping cart is empty
以喜劇作招徠的《奔跑吧!勇敢的女人們》來到結局周依然絕不欺場,昨晚(22日)一集先後上演三場天馬行空style的「大龍鳳」強攻觀眾眼球!劇情講述,采琳(吳若希飾)為了投入小三角色,拉著禾平(朱敏瀚飾)到冰室扮演偷情戲碼,並分別以《花樣年華》的周慕雲及蘇麗珍Look上陣幫助入戲;不過由於采琳排戲期間不斷出戲又要求多多,令到場口浪漫不足、搞笑有餘。談到相關場口,Jinny接受TVB.COM訪問時坦言很好玩,Jinny透露是她首次嘗試旗袍造型:「同埋因為要扮《花樣年華》,我事前都睇咗無數咁多次參考片段。」有網民亦留言讚Jinny旗袍Look好靚。
Jinny嘅旗袍Look,配以佢韻味十足嘅眼神,係正嘅
談到以女僕造型與朱敏瀚上演搞笑纏綿戲碼,吳若希即搞笑地大玩爆料:「佢(朱仔)拍呢場夢境戲著咁少布~ 但係佢一d都無尷尬~非常大方,所以令到我都完全唔覺眼前呢位仁兄係半裸。我拍拍吓有一刻係覺得佢著咗一身肌肉衫,因為佢啲肌肉真係好perfect、perfect到假咁,但佢又真係冇著衫架喎。」
Jinny更自爆整場戲最大的難度是背誦「女僕咒語」:「嗰句日文好難記,雖然我已經不停背,但係頭兩次拍都NG,NG完又背,背到全廠人都識背⋯我記得當時個畫面係我講oishi⋯跟住全部男人(Camman,FM,燈光)一齊同我講 Oishikunare⋯⋯ 好warm 好有愛,都好好笑。」