奔跑吧！勇敢的女人們｜朱敏瀚蕭正楠惡搞「破冰轉身」獲瘋狂點讚黃翠如趁熱鬧留言與老公隔空耍花槍

Release date: 2025-01-23 17:00 | Entertainment News

無綫官網早前釋出《奔跑吧！勇敢的女人們》網上限定絕密片段，原來又是惡搞經典系列。相關片段講述丁丁約見禾平在游泳池一決高下，蕭正楠先以當年自己有份獻唱的《戀愛自由式》主題曲《可疑密友》其中一句歌詞「就當我對你太尊敬，約你去決鬥蝶泳」宣戰，再以「我練緊破冰轉身嘅時候，你都仲選緊最英俊王子咋」向朱仔挑機，暗寸朱仔未夠班與他爭吳若希，豈料係威係勢的阿蕭，一跳落水即浸親，夠創意又夠爆笑。

片段一出，即引爆網民熱議及爆like，就連阿蕭太太黃翠如亦忍不住留言：「好欣賞。」其他網民留言：「真係靚抽」、「重點係『兩個都忍到笑』」、「好鬼正，呢套戲成日攞番啲經典嘢出嚟」、「破冰浸親」、「喂呀係童年回憶」、「笑死我了」。