痞子無間道｜周嘉洛長達17分鐘「裸露」戲勁破格 拍足3日兼著足幾條打底褲防走光

由陳耀全Andy監製、張世昌編審的《馬百良安宮牛黃丸呈獻：痞子無間道》，由今晚（10日）起，逢周一至五晚八點半翡翠台播映，主要演員有周嘉洛、陳瀅、朱敏瀚、JW王灝兒、車婉婉、曹永廉、麥美恩、黃子恆、韋家雄、何泳芍等。

首周劇情最大的震撼彈，是男主角周嘉洛將繼《痞子殿下》後，再度剝光豬「全裸」姿態上陣， 而且「裸露」時長更足足長達17分鐘，相當破格！而為配合電視尺度，嘉洛仔大部分時間都要化身「格仔洛」，除了會遭大量人士「鹹豬手」、與陳瀅連番唇槍舌劍之餘，還要不時跳上跳落、彈出彈入「逃亡」，以致負責「防走光」的「數碼格仔」也要經常「東奔西走」，相當搞笑。

個胸都操得好弗吓

天生一副好身手

大家又睇唔睇得出嘉洛仔邊幾個鏡頭弗啲?

嘉洛接受TVB.COM訪問時，直指這場17分鐘的「裸露」戲拍了足足3天，而且更不是連續三天，而是相隔一段頗長的時間再拍，嘉洛笑指若細心留意，不難發現他「時弗時唔弗」：「仔細會見到我身形唔連戲，有時大隻啲，有時又肥啲個線條冇咁靚。」嘉洛又揚言絕不怕走光，皆因單是打底褲也穿了數條：「Make Sure拍出嚟冇任何異樣。」並笑言有信心劇組後期會幫自己打重格，確保萬無一失。監製Andy則笑言：「其實嘉洛呢場『裸露戲』只係頭盤，嚟緊仲會有好多大家意想不到嘅破格場面架。」