痞子無間道｜潘冠霖演醜女巫慧喬成功搶焦！入行23年參演劇集逾175部演過超過200個角色

昨晚首播的《痞子無間道》內容豐富、精彩搞笑位及彩蛋位數之不盡！其中一幕，講述「天生愛女狂」的慕容㳟梓（朱敏瀚飾），透過交友網相中了看似天姿國色的「巫慧喬」，可惜當相約在茶坊約會時，卻駭然發現對方完全貨不對辦，嚇了一大跳的恭梓想乘機走人，卻遭搭枱的費仁（周嘉洛飾）搞破壞，二人連番廢話最終令慧喬大受刺激嚷著要跳樓…

由於巫慧喬不但「外表出眾」，一股驚人的自信及嬌嗲的少女tone亦讓人相當難忘，有網民隨即對其真身感到興趣。「巫慧喬」由潘冠霖Deborah飾演，年青時曾入選全港校花校草十強的Deborah，曾任TVB Cover Girl，原本一心想入行做歌手的她，最終透過第17期藝訓班加入無綫，由2002年開始參與劇集竟足足有178部，演出角色超過210個，在第一部出街的劇集《皆大歡喜》中，Deborah便一口氣演了30多個不同角色，相當多產，亦證明她人緣很好、肯做肯捱兼易話為。

本身是「校花」的Deborah，接受TVB.COM訪問時，應要求展示了角色妝前妝前的差別，原本皮膚白滑、眼大大的Deborah，經化妝組「毁容」後前後判若兩人，她也笑言過程十分好玩：「今次演醜角係突破，除咗加重眼影同鬚根，髮型師又加咗孖辮同有啲感覺『發花癲』嘅絲巾畀我做頭巾，再加埋金牙，令我覺得個效果好突出，好多謝幕後嘅同事。其實演醜角我覺得幾好玩，冇乜心理關口要衝破，因為係我自己喜歡嘅嘢，所以非常感恩接到呢個角色。」自小是《歡樂今宵》粉絲的Deborah，又謂自己喜歡另類角色：「主要鍾意一啲浮誇嘅角色，以前有演過民初時基嘅乞兒女，之前《老表你好Hea》演超市員工，都係幾浮誇，我都幾鍾意。」

負責化妝同髮型嘅同事好嘢

除了拍劇，一直努力求進步的Deborah之前還有爭取時間進修：「我喺英國樸茨茅夫大學讀建築室內設計學位， 2023年喺英國嗰邊行咗畢業禮。揀讀呢科主係覺得幫到人又幫到自己，買屋嗰陣起碼識得睇圖，同埋都想完成讀大學嘅心願。」Deborah還分享現在的心態是「活在當下，珍惜每天，珍惜家人，珍惜所愛，凡事謝恩，心存感恩，心裏柔和謙卑」，相當正能量。