痞子無間道｜「哨牙珍」何泳芍真空上陣 自爆入行以來最少布 一原因笑指不滿意出街畫面：我接受唔到

TVB熱播劇《痞子無間道》除了四大主角周嘉洛、陳瀅、朱敏瀚、JW王灝兒受大家關注外，當中演陳瀅近身丫鬟金珍（何泳芍Honey飾）同樣備受注目。

皆因Honey今輯與上輯一樣，同樣以「哨牙珍」扮相上陣，不過今次其造型變得可愛，更被同劇黃子恆笑指似Labubu。而且，Honey再次放低港姐包袱，展現其喜劇細胞，表現令觀眾眼前一亮。

昨晚（2月12日）一集，講到「神偷」唐嘉麟偷了一件肚兜，之後車婉婉問他肚兜是在哪得來的，鏡頭一轉，見Honey躺在床上，先露出雙腿，再晒出大露背，相當性感，突然Honey「打噴嚏」再看了看自己說：「明明著住嚟瞓㗎！」即是她所穿的肚兜便是唐嘉麟手上那件。


談到這個大露背場口，Honey接受TVB.com訪問直言是入行以來最少布的一次，故拍攝前亦有做足防走光措施：「因為我要大露背，但服裝間都好好幫我黏好打底，仲笑我話『阿女雖然你咁嘅樣，但都要好好保護自己』 。」

問到她拍攝時有否感到尷尬？她笑言：「我就冇，但現場幕後人員好驚我走光，因為我個造型太突出，佢哋驚夜晚會瞓唔着，所以不停叫我小心啲。我睇番出街嗰條片，自己都接受唔到，明明係好性感嘅演出， 但係個樣係咁，變咗出嚟好好笑。」

Honey自爆拍攝這場口有很多導演爭住拍：「因為大家都好想幫我展現到最靚嗰面出嚟，但其實好有難度，我喺套劇入面都冇靚過。」 她續指當得知有這場大露背場口後，除了勤做運動，亦有狂塗lotion保養背脊。
 

2018年香港小姐入行的何泳芍（Honey）向來熱愛運動，作為一名潛水教練的Honey擁有健康膚色及健美身材，故有「美人魚」之稱！

而且，Honey不時做Gym、滑水、行山等，就算是參與綜藝節目拍攝，Honey亦是「運動向」為主，除了有介紹潛水運動的《潛‧規則》，還有以行山等不同戶外活動為主、與廖慧儀、胡美貽及陳若思三位前港姐合作拍攝的真人Show《港女野人》亦大獲好評。