痞子無間道｜朱敏瀚「黑色交叉護胸」造型勁搶 接周嘉洛棒成格仔擔當引何泳芍晒潛水功架

《痞子無間道》由陳耀全Andy監製、張世昌編審，主要演員有周嘉洛、陳瀅、朱敏瀚、JW王灝兒、車婉婉、曹永廉、麥美恩、黃子恆、韋家雄、何泳芍等。 

朱敏瀚（朱仔）昨晚（13日）一集還不止一次犧牲色相！劇情講述符玲（陳瀅飾）某天醒來後，發現閨房離奇出現大批銀両，不過符玲對事件因由零印象。符玲之後發現費仁（周嘉洛飾）、恭梓、高強（JW飾）及太師（黃子恆飾）原來牽涉其中，似是有感情發展的阿強和恭梓，更離奇地在同一張床上醒來！幾經擾攘，為了追查真相，符玲等人在恭梓出浴期間二話不說強闖淋浴間，「哨牙珍」（何泳芍Honey飾）更意外將較剪跌了進浴桶內，令恭梓無辜陷入困境…而朱仔相關場口與嘉洛「裸露」場口一樣，獲劇組貼心格仔保護重要部位。

朱仔接受TVB.COM訪問時，被問到是次是否其拍劇生涯以來「壁咚」次數最多一次，他笑言：「呢套的而且確係壁咚得最多女性嘅一套，其實唔止佢哋架，之後我仲會壁咚埋臨時演員。但其實恭梓咁樣做背後係有苦衷架，大家睇落去就會明。」朱仔又笑言與前輩漪娸姐及車婉婉拍壁咚戲零尷尬：「一來佢哋都好專業，二人大家本身都熟。」

談到打格出浴戲，朱仔透露「Honey跌較剪」原來是演員臨時現場Jam出來的，並大讚Honey專業：「因為Honey戴假髮嘅，佢浸咗幾次水之後跌埋個假髮，嗰場其實拍得好捩𠾍，但咁捩𠾍佢都肯伸個頭入水入面，完全唔理任何儀容同埋拍完後有幾麻煩，真係好專業。」談到床上戲的交叉胸造型，原來是想做出bra的效果，朱仔笑言之所以忽發奇想，是因拍除衫戲拍得多，所以想搞搞新意思：「我劇入面咪有兩條頭帶，我覺得咁樣著幾得意，咪玩吓花臣搞吓笑。」