痞子無間道｜陳瀅何泳芍自創「水柱式滴汗」場口勁爆笑 花絮曝「真‧汗如泉湧」三大秘密秘器！

劇情走向有時Gag到估你唔到的無綫新劇《痞子無間道》，昨晚其中一個場口講述符玲（陳瀅飾）一覺醒來發現閨房勁多金，與近身丫環「哨牙珍」（何泳芍Honey飾）原本大為驚喜，並合力將大批銀両收好；同一時間，太帥（黃子恆飾）因為面上離奇出現超級大傷口，大吵大鬧要找出真兇的他，竟想到要去符玲房搵證據，為怕眾人搜出「秘密多金寶」，符玲與「哨牙珍」嚇到瘋狂飆汗。

據知為了令場口更有喜感，陳瀅與Honey臨時掟橋搞加碼。據知二人為了營造真‧汗如泉湧效果，不斷拿水壼噴到自己成面濕晒之餘，還在頭髮上加了一條「水喉」，只要一嗌action，該條水喉便會射出水柱，製造二人「水柱式滴汗」效果。但嫌不夠喉的二人，最後決定再瘋狂飲水製造「噴水」效果（驟眼看有點似魚尾獅），獲網民留言大讚「勁搞笑」！

Honey「係呀嗰幕真係笑到哩，我同阿瀅要諗晒人生入面最悲慘嘅事情去忍笑，嗰幕係好癲嘅，阿瀅話無論佢睇幾多次，每次都係笑到傻。」「其實拍劇要玩水係好麻煩，雖然咁即興，但劇組好配合，仲將呢場戲特登調到嗰日最後先拍，因為我哋濕晒後好難拍其他場口，大家好齊心想做好件事。」Honey續指當日拍攝時天氣確是很冷，並笑言濕身後要震住睇playback：「咁但係我哋覺得好值得咯，出嚟效果我哋好滿意。」

根據今早無綫曝光的官方花絮片，陳瀅與Honey確是全程笑個不停，陳瀅笑出「牛奶妹」樣之餘，仲一度笑到要踎在地上。根據片段，二人爆笑罪魁禍首絕對是Honey，皆因戴了假哨牙的Honey，噴水時出現「噴泉水花」，效果十分誇張，難忍笑也確是人之常情。

Honey笑起上嚟,啲水係噴出嚟,笑咗

陳瀅笑到踎低
 

陳瀅笑到變咗牛奶妹

Honey畀啲水搞到連眼都擘唔大

原來啲水係咁透過水喉噴出嚟