陳山聰自揭拍劇曾被視帝怒掟劇本 驚到全身發抖：我唔ok喎

視帝陳山聰近年事業發展愈來愈好，在《萬千星輝頒獎典禮2022》中，他憑《金宵大廈》贏得「最佳男主角」，登上事業高峰，演技備受認同。

早前山聰與另一位視帝譚俊彥接受訪問，自爆當年拍劇時，曾遭同劇演員林保怡一手掟走劇本，至今仍令其印象深刻。

山聰憶述當年拍攝劇集《隨時候命》，同劇有鄭伊健、林保怡和佘詩曼，他指當年還是一個小角色：「我最記得我喺飛行服務隊入面，我坐喺林保怡嘅副駕，好多對白又英文，佢行過見到問我：『你做咩呀？』我話我喺度背緊對白，跟住佢一手攞走個劇揼走佢：『佢話睇咩睇，唔使睇，得㗎啦！上到去就OK㗎啦！」

山聰直言當時不明白為何對方要這樣做，心想「你ok，我唔ok喎」，更擔心得全身發抖。

直至現時他已成為有經驗的演員，明白到劇本不能死記硬背，終於明白當年保怡為何要這樣做，「當然唔係叫你唔睇劇本、唔做功課，但係唔係死記，我而家同譚俊彥都係排戲嘅時候睇一次（劇本），跟住就揼開本劇本，就要記得曬所有嘢，因為對白唔係最重要，學譚俊彥話齋，聽對方講乜嘢，你嘅回應（對手）才是最緊要。」

於1992年，當時只得16歲的陳山聰參加TVB舉辦的《歡樂今宵之四大天王模倣大賽》，主唱其偶像劉德華的歌曲《長夜多浪漫》而被評判之一的華仔賞識，一年後成為華他創立的公司New Melody力捧的歌手。

可惜在九七金融風暴下唱片公司倒閉，陳山聰結束了僅得4年的歌手生涯，之後山聰曾轉行當古著店售貨員。

不過山聰最終輾轉返回TVB，於2009年憑《學警狙擊》「左輪」一角成功入屋，惟於2011年拍罷《天梯》後一度沒再拍劇。

在2013年他重返TVB，一步步由配角做起，2017年，山聰憑劇集《同盟》飾演「令千佑」一角於頒獎典禮獲得「最佳男配角」獎，之後再慢慢「升呢」做男主角。