痞子無間道｜JW用力過度令朱敏瀚面頰留「腳趾印」一句「對唔住」對白神應景

Release date: 2025-02-20 11:35 | Entertainment News

昨晚一集《痞子無間道》的焦點，是高強（JW飾）與公子（朱敏瀚飾）的「床戲」。

場口講述高強企圖用腳為公子冚被時意外將整隻腳踩落公子的俊面上，但由於腳抽筋，高強遲遲未能「收番隻腳」，最終令公子面上留下腳趾印！搞笑的是，原來相關腳趾印並非靠化妝，而是JW的真‧腳趾印，JW接受TVB.COM訪問時，搞笑地還原「事發經過」：「呢件事真係好難忘，當時我啲腳趾直情喺朱仔個嘴隔籬，跟住我係大力到，我隻腳離開佢塊面嘅時候，啲腳趾嘅紅印都仲喺佢塊面度咯，哈哈！我之前都有用消毒紙巾抹咗隻腳好多次，始終都係將隻腳擺喺人哋塊面度，嗰幕真係辛苦朱仔同埋唔好意思。同埋因為劇情佢仲會幫我捽腳，所以真係有啲尷尬！」搞笑的是，該幕JW的對白竟是一再「對不起」，相當應景。