中年好聲音3丨黃博奪98分創《中年3》新高 張佳添激讚「超級黑馬」黎瑞恩即場拜師：我做你學生得唔得？

《中年好聲音3》本輪是24強晉身20強淘汰戰。24強競賽「搶分戰」分四組，由陳芷盈、李金凱、張與辰、占士丁丁帶隊進行六輪一對一PK。昨晚（23日）播出一集是24強「搶分戰」下回合，出戰隊伍為張與辰隊和陳芷盈隊，出戰參賽者及歌單如下：張與辰隊「下弦」—李創偉《煞科》、劉曉昆《Lydia》、郭偉倫《痴心絕對》；「上弦」—羅逸軒《戲劇人生》、張與辰《開門見山》、劉傳民《每一句說話》；陳芷盈隊「下弦」—陸東成《聽海》、善玥澄《愛》、陳嘉琦《自作多情》；「上弦」—王鄭浚仁《飛機場的10:30》、陳芷盈《So You Would Come》、黃博《不必在乎我是誰》。

本集最值得關注，為黃博獻唱《不必在乎我是誰》的演出，早已被周國豐封為「女大魔王」的黃博奪得98分超高分數，再度為《中年3》創出新紀錄。

黃博是次再以新形象亮相，穿著一套全黑西裝褲裝造型，加上登台妝容及髮飾，濃厚女人「魅」飆升。而當天原來湊巧是其丈夫正日生日，黃博唱畢後在台上向觀眾席、捧著「黃博」燈牌的丈夫說生日快樂：「好鍾意首歌嘅意義，希望鼓勵到每個女人勇敢追求自己嘅愛，『不必在乎我是誰，就好好愛一回』。今日係我老公生日，老公生日快樂！」場面勁有愛。對於黃博獻唱《不必在乎我是誰》，張佳添激讚是演唱會級數的演出：「呢個係演唱會級數嘅表演嚟，我成日話耳仔好似畀你按摩咁，喺你咁多表演裡面最淋漓盡致嘅一次，你係呢個比賽嘅超級黑馬！」就連黎瑞恩都忍不住拜師：「想請問你，我做你學生得唔得？」

而早前開出97分超高分數的陳芷盈，是次演繹英文歌《So You Would Come》獲得94分亮麗成績，唱畢後不禁感觸流淚：「呢份愛陪咗我過好多艱難日子，想將呢份愛送畀觀眾同評判，去祝福你哋。」張佳添點評時也直言聽到想哭：「老實講聽到差啲想喊，touch到，Hillsong嘅歌唔係易唱，亦唔係個個都識，有啲risk喺裡面，你嘅deliver係非常之好。」