關嘉敏透露楊茜堯親授演技心得 自爆參加藝員新訓崩潰爆喊：嚟咗咁耐崩潰咗咁耐

關嘉敏在去年憑《福祿壽訓練學院》「扮嘢」而人氣急升，不少網民更大讚她有潛質。向來力求進步的關嘉敏近日參加《藝員新訓2025》，她更是「過五關斬六將」，經歷過多場海選從百幾人中被選出來的參選者。

她接受TVB.com訪問透露這是其首次參加演員的訓練節目，加上要用普通話做戲，令其壓力甚大：「始終普通話唔係我母語 ，初時好唔慣 ，我每次都要將普通話嘅劇本譯做廣東話先，而且全程要用普通話做戲真係好難，所以我嚟咗咁耐就崩潰咗咁耐。」

她指共有6場直播演出：「第一個星期完咗兩個直播後，我係喊到癲咗，喊到錄唔到，依家慢慢適應，所以都係逼住我成長。」

關嘉敏指在珠海逗留了一個月，每天也過得十分充實，獲益良多：「一早就要出去拍短視頻， 之後就上堂，再同同學仔拍戲，今次我都係第一次同內地演員對戲，感覺好新鮮， 佢哋亦好勁，因為好多都係戲劇學院出身， 又同過好多前輩合作，所以我同佢哋合作都有好多得着，即使好忙好辛苦，但都覺得值得。」

至於在節目中楊茜堯為其導師，關嘉敏直言感到很興奮：「今次個主題係大女主，要學做女一，好似楊茜堯做戲嘅鋪排氣場感覺，女一真係女一，真係好唔同。」

她又指楊茜堯親授演技心得：「有場我要做《黑色月光》嘅戲，佢同我講氣場唔需要聲嘶力竭去演出來，只要你嘅節奏同狀態啱，細細聲講一句畀大聲演出來更加有效果。」

除了楊茜堯外，吳卓羲亦是另一導師，關嘉敏表示同樣在對方身上「偷師」：「佢做戲真係好鬆，佢會留意對手所做嘅嘢再畀反應，我覺得呢樣係好重要，咁先可以成為成功嘅演員。」