葉蒨文晒「舊愛」親密照 自揭愛上對方原因：多謝你咁多年帶畀我歡樂

葉蒨文（Sophie)突晒「舊愛」合照！原來這位「舊愛」是其昔日拍劇的戰友程皓 ，對方於2016年參選港姐入行，拍過《宮心計2深宮計》、《降魔的2.0》、《星空下的仁醫》等，惟演閒角為主。

程皓在2022年離開TVB，2023年與圈外男友結婚，去年為老公誕下一女，淡出幕前，專心相夫教子。

葉蒨文日前在網上分享出席程皓女兒百日宴的相片，更發文回顧昔日與對方入行拍劇的難忘點滴，自爆曾連續32小時沒有睡：「眨吓你嘅寶寶就已經一百日啦！ ！仲記得當初我哋一齊去橫掂拍劇嘅日子，一齊住咗一個月一路病一路拍，但係每日都好開心，成日諗起入行嗰陣我哋32個鐘唔瞓覺，跑幾組嘅回憶都覺得好難忘。」

葉蒨文續指因與對方經常合作，變成好友：「嗰時一齊客串唔同嘅劇組，瘋狂嘗試不同嘅路人甲乙丙丁，去親第二組又係見到你，又係一齊等埋位一齊通頂，仲喺公司瞓覺三日兩夜，瞓兩個鐘又去開工，當時我見你仲多過見屋企人。」

她指最好笑程皓母親曾誤會二人拍拖：「仲記得你同我講你對住手機收到我message甜笑嗰陣，你媽咪仲問你係咪同Sophie拍緊拖？眨吓眼大家依家都成長咗好多，經歷咗好多唔同嘅嘢，我希望你未來繼續幸福快樂！收獲一切美好。」

最後葉蒨文更表示「你藝訓班扮喪屍一人分飾三角嗰一刻我已經愛上咗你」：「心諗呢條女應該gag底同埋都小癲，多謝你咁多年帶畀我咁多歡樂。」大家都留言「要好好keep住呢段珍貴既友誼呀 ！」