Your shopping cart is empty
陳曉華啱啱先從日本旅行返嚟,昨日(5日)又喺IG分享一輯婚前派對靚相,原來佢嘅胞兄即將結婚!佢同未來嫂嫂識咗多年,兩個仲係好閨密,依家正式成為一家人,當然要開心慶祝一番!
派對以公主主題為重心,見到陳曉華嫂嫂戴住閃閃發亮嘅皇冠,加埋「BRIDE TO BE」綵帶,滿滿新娘氣息,而陳曉華就喺側邊貼住嫂嫂影合照,兩人臉貼臉,場面超溫馨!當日佢激罕以大露背吊帶裙登場,再加埋嫂嫂一齊大騷逆天長腿,索爆全場!另外,粉紅色毛毛外套更加突顯佢可愛又少女心嘅一面,仙氣滿滿!
佢亦留言送上真摯祝福:「My Princess,為鍾意嘅人準備嘢係一件幸福嘅事,仲好慶幸人生中遇到冇血緣但好鍾意嘅人,眨吓眼已經11年,唔多講,感激你一直喺身邊陪住我,見到你開心,我就開心。」同時亦向胞兄嫂嫂送上溫馨祝福:「和我的好哥哥,好好相親相愛。」
而嫂嫂都回應得好感性:「諗起我哋無數個又笑又喊嘅晚上,以後有你有我,繼續做你肚入邊嘅蟲蟲,Love you so much。」兩姊妹般嘅深厚情誼,睇到網民都忍唔住感動!