《一周星星》大爆黑歷史！黃宗澤揭《K歌之王》當晚內心爆粗口佘詩曼難頂「大長今」髮型

Release date: 2025-12-08 12:00 | Entertainment News

《一周星星》第一集，嘉賓係《新聞女王2》的兩大主角佘詩曼同黃宗澤，兩人分享咗唔少黑歷史！黃宗澤提到《K歌之王》並唔係佢人生中嘅No.1黑歷史，笑話事件淨係屬於「唔好彩」系列，但坦言事發當晚忍唔住爆咗四句粗口：「當志偉哥喺個箱入面拎起個波嗰陣，我心入面講咗一句粗口。跟住當志偉哥望住我嗰陣，我即刻再爆多三句粗口！」Bosco認為自己最黑嘅歷史係2000年《香港小姐競選決賽》，當時以「外太空金粉餅」造型上場，同行仲有林峯、鄧健泓同劉愷威，Bosco直言：「呢段跳舞片最近都有人攞出嚟講。」

至於佘詩曼嘅頭號「黑歷史」，係佢2007年推出嘅兒歌《星星的加冕》，而且佢最介意嘅係獻唱時嗰套「大長今」韓服造型，佢表示：「個MV真係勁正！要我著成套韓式Costume，仲要梳中間界嗰個頭，我自己都想打自己！」"