《正義女神》佘詩曼領軍還原法庭正義　真實改編逾20宗少年犯罪個案　冀喚起社會關注

四屆視后佘詩曼領軍，譚耀文、陳煒，以及已故許紹雄等實力派演員主演的重頭劇《正義女神》，將於3月30日於翡翠台首播。劇集早前在內地率先播出，即因法庭戲碼張力十足，兼深度剖析邊緣少年犯罪相關的社會議題，因而引起兩地觀眾關注。

好戲之人埋堆 節奏緊湊無冷場
《正義女神》陣容強勁，除主演外，亦邀請昔日花旦文頌嫻客串。文頌嫻相隔20年再度驚喜亮相TVB(TVB)，同佘詩曼以「閨密」身份上演對手戲，帶出回憶殺。另外，亦係已故金牌藝人許紹雄（Benz 雄）的遺作，他在劇中與契女同台演出，成為觀眾重點期待。

劇中亦見周嘉洛、馬貫東、蔣祖曼、戴祖儀等演出同樣搶眼；飾演少年犯的年輕演員更有突破。當中現年26歲嘅劉倬昕，因演技備受矚目並反串挑戰演出陳煒14歲兒子，把角色陰暗同恐怖感覺發揮到極致，被網民封為新一代「童年陰影」，令已經先睇過嘅觀眾都表示十分震撼。

逾20宗真實案件改編　冀為社會帶出正面教育意義
為咗提升劇集真實感及社會共鳴，《正義女神》取材自內地同香港兩地嘅真實案件，集中探討少年犯罪議題。全劇25集審理逾20宗個案，當中包括「高成彬天台殺人案」、「毁墳案」、「刀砍姊妹案」、「少女殺嬰案」、「縱火案」、「校園霸凌案」、「少女援交平台案」、「殺貓案」、「非法處理屍體案」以及「Live House謀殺案」等。同一集內仲會穿插多場法庭對壘戲碼，節奏緊湊、無冷場。

佘詩曼於劇中飾演言惠知法官，角色多句震撼人心金句，亦直接反映劇集希望帶出嘅正面教育意義，包括「法律嘅原意係將有罪嘅人定罪，還無辜嘅人清白」、「法律係道德嘅底線，班細路你依家唔教，你將來先阻止佢哋，就已經太遲」、「其實法律係冇分邊個輸邊個贏，因為只要一上到法庭，無論係輕判、重判，每一方都會受傷害」。整體而言，《正義女神》唔單止係法庭題材，更係一部值得觀眾反思家庭教育同社會制度嘅誠意之作。

相片來源: 《正義女神》

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。