《正義女神》佘詩曼北京宣傳掀熱潮　商場逼爆人氣高企　點名力讚蔣祖曼

《正義女神》最近在內地網上平台率先播出，反應熱烈。作為女主角的佘詩曼近日忙於為新劇宣傳，繼早前現身惠州商場後，日前再飛到北京。期間一班粉絲亦相當有心，放咗不同應援廣告同佈景板，畀大家打卡留念。

佘詩曼人氣高企，佢一現身即出現萬人空巷的盛況。從網上片段可見，商場內逼爆人群，粉絲高舉手機，場面一度混亂，但佘詩曼仍然保持笑容，揮手同大家互動，亦會停低簽名，盡顯親民一面。

另外，為咗答謝大家支持，佘詩曼仲連擺5個不同的心心甫士，氹得粉絲相當開心。

佘詩曼亦喺社交網甫出與同劇蔣祖曼的合照，並點名力讚對方係好演員。佘詩曼寫道：「我係拍《正義女神》識蔣祖曼嘅 @jomanchiang，一個好用心、不斷求進步嘅好演員，值得珍惜❤️ 更開心嘅係見到你嘅轉變，加油！ #爽咗先 」

蔣祖曼亦跟住喺帖文回覆：「多謝我的感化官佘佘😭你真係好Sweeeeet，I love you💋💋💋我一定會繼續努力 #爽咗先」，可見兩人合作得幾開心。

其實在《新聞女王2》佘詩曼同蔣祖曼的「昀心CP」深受觀眾喜歡，今次佢哋喺《正義》合體，相信再度令大家更關注。

相片來源: 小紅書圖片& IG@charmaine_sheh

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。