《臥底嬌娃》「魚鷗」CP開花結果！羅毓儀主動錫涂毓麟冒粉紅泡泡

熱播中的《臥底嬌娃》，今晚（24日）一集小茹（羅毓儀飾）同歐凱（涂毓麟飾）有突破性發展。

劇情講到歐凱明知會敏感發作的危險，仍然喺小茹屋企餵飼露娜。小茹得知後即刻趕返家，見佢屢次罔顧自己安全而大為氣憤，直指貓毛敏感會引起過敏性休克，氣管被刺激而收縮，令到呼吸困難，結果會出事。

不過，當歐凱見到小茹咁緊張自己，又知佢原來係為咗怕自己貓毛敏感，所以每次回洗衣店都會弄乾淨，歐凱被感動到，終於鼓起勇氣向小茹表白。

歐凱講：「我小學開始已經鍾意你，每次見到你心跳加速得好快，被你見到好似觸到電嘅感覺，之後我同屋企人移民，我成大半年都喺被窩裡喊」、「我知你近排發生咗好多事，但我可以等」。

面對歐凱情深傻氣的告白，小茹當然心動，仲主動錫咗佢，令歐凱又驚又喜；加上光線照射，畫面極度唯美，現場甜蜜氣氛瀰漫，仲冒粉紅泡泡。

唔少網民見到都激動表示終於等到「魚鷗」CP開花結果，仲有人笑問「會唔會太閃呀」，又有人話「Kris見到呢幕一定會呷醋」，亦提到「Yuki要錫番Kris補數」。

相片來源:《臥底嬌娃》截圖

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。