巾幗梟雄之懸崖｜蕭正楠為兩場脫衣戲個半月激減10KG 翠如公開超刻苦減肥餐單網民讚專業 半裸爆肌養眼

TVB台慶劇《巾幗英雄之懸崖》10月21日 首播，今次蕭正楠（阿蕭）不但一人挑戰演三個角色，更為角色激減逾20磅，認真專業。

日前其太太黃翠如在社交網晒阿蕭半裸上身照，相中可見，阿蕭有胸肌又有腹肌，勁乾身大隻，弗到漏油！難怪翠如都發文大讚老公，並表示：「這位電視從業員，為了他參與的劇一兩場脫衣戲，差不多半年時間，瘋狂做運動，和瘋狂只吃粟米雞蛋和番薯。他也為了這套劇的三個角色，每天工作時間以外，也只跟劇本談戀愛，我看着他的努力，很期待看他有份付出的作品。加油🌈 為熱愛的，拼了。」阿蕭亦留言回覆：「期間限定，且看且珍惜」帖文亦引起大批圈中好友如陳煒、馬國明、陳自瑤和陳山聰等讚好，當中阿Bob（林盛斌）更搞笑留言「俾我認認真真操個零禮拜，就同你差唔多㗎啦」不少網民指想睇阿Bob挑機成功，又讚阿蕭好勁好專業，一定會支持《巾幗英雄之懸崖》。

阿蕭接受TVB訪問，對於今次為角色操弗，他說：「當時收到監製通知要演軍人，又有幾埸除衫戲就知道要減磅，所以我都盡力去操。當時喺橫店除咗開工外，每朝都會做一Set20幾分鐘嘅HIIT，下午就會做GYM，主要練膊頭、胸同腹，不過我冇諗過出嚟場戲係要倒吊做Sit Up，係意料之外。」他直認過程辛苦：「因為天氣又凍，食嘅嘢又冇咩脂肪，所以成日手腳冰冷。而且，最慘就係同事放飯，睇到自己冇得食啲餸，只係食蕉、雞蛋同埋冇皮嘅雞肉，但為咗部劇我都覺得值得。」他又指當時拍攝該埸口時亦獲片場工作人員掌聲鼓勵，又指現時也保持做HIIT這個習慣，不想身形走樣。