尋夢琴澳｜胡定欣劇中Chur爆譚俊彥生仔 戲外回應「生B大計」露玄機

《尋夢琴澳》將於11月30日晚隆重首播！無綫相隔20年再度強勢推出電視電影《尋夢琴澳》，更雲集無綫當紅三生三旦，包括陳展鵬、譚俊彥（Shaun）、馬國明、胡定欣、林夏薇及張曦雯。

戲中胡定欣與譚俊彥（Shaun)演結婚多年的夫妻，二人乃自2019年《包青天再起風雲》後再度同框，今次他們更是首次拍檔當夫妻，定欣接受TVB.com 訪問指不論與對方合作和角色也有新鮮感：「因為呢幾年拍嘅劇都比較少感情線，《巾幗》嘅七爺同十七嗰種關係又唔同，同埋我拍嘅戲入面比較少談論夫妻關係，所以拍呢套嘅時候對我嚟講有啲唔同感覺。」

今次二人更會合唱劇集插曲，對此定欣大表期待：「大家識咗咁耐，我私下都冇同阿Shaun合唱過，所以都覺得好新鮮同埋合作得好開心。」

今次其角色為藍帶廚師，現實中定欣自認較少下廚，唯獨喜歡煲湯：「我鍾意食湯渣，咁就簡單啲唔使煮咁多，多數都係煮中式，但都係簡單嘅餸。」

至於戲中談到定欣為了母親的一句遺言急著生小朋友，不過Shaun對生育則持有不同意見，雖然現實中她早前宣布拍拖，不少網民都祝其早日好事近，惟定欣自言沒有遇到如角色的問題，皆因其從來跟自己的步伐而行，家人也不會給壓力，「自己一路以來想做咩就做，追尋自己嘅夢，最緊要忠於自己。」可見，定欣絕不會「為結婚而結婚，為生仔而生仔」，總之跟隨自己的心而行。

另外，除了與Shaun合作外，定欣更與好姊妹林夏薇有對手戲，二人戲裏戲外同為好姊妹，今次更是相隔8年再度合作，定欣說：「故事都係講我哋係好朋友，不過中間經歷咗一啲小插曲變咗好耐冇見，有一場戲係大家Girls talk 各自講人生嘅問題，我覺得都好難忘，好似戲裏戲外都傾緊偈，好開心。」