異空感應｜譚凱琪「硬朗Madam」妝前妝後極大反差 柔弱內心戲我見猶憐勁搶

《異空感應》本周個案講述表面是模範警察的陸文輝（蔡誌恩飾）離奇死亡，上司Madam焦（譚凱琪Zoie飾）在調查過程中，驚揭文輝私下性變態兼對前妻卡雯（張美妮飾）拳打腳踢之餘，更利用之前拍下的性愛片段，一再逼令卡雯玩SM甚至參與3P性愛活動…幾經調查後，警方一度改將矛頭指向梓峰（林正峰飾），但梓峰似乎依然不是真正兇手…另邊廂，以快狠準style查案見稱的Madam焦，被發現與丈夫彭至有（黃祥興飾）關係不佳，這位「指天淑」更逐步露出不為人知的軟弱面…

罕演硬朗急躁女Madam的Zoie，在劇中除了要挑戰飾演與真實性格完全相反的強勢女Madam外，又要挑戰連串動作場面，不過Zoie卻大呼開心及過癮方：「我成日都想做打女，因為好型，同埋做演員咩都要試吓吖嘛。呢套劇好多打鬥都係我自已親身上陣架，都叫圓咗做打女嘅心願，同埋拍出嚟真係好型。」與Amy姐已非首度合作的Zoie，坦言很感謝對方再次給予如此有發揮的角色：「角色本身個故事好豐富，除咗小產過、又要面對老公有外遇，所以情感方面好多創傷，我都覺得佢好慘。但因為係上司嘅關係，返到公司又要扮到好tough咁，有血有淚幾好玩。」

+1

Zoie亦全方位展現了角色在劇中堅強與柔弱的反差面，平時嘈嘈閉、對著下屬及犯人咬住唔放的Madam焦，面對信錯下屬、小產及老公有外遇三大難堪處境顯得無限慘情軟弱，昨晚遭外遇老公無情冷待後以淚洗面的場口，更是我見猶憐，加上近乎素顏的狀態，令場口及角色別具感染力。

與張美妮一樣是幸福人妻、兼已涉足生意界的Zoie，與好友龔嘉欣今年開始合力經營時裝生意，Zoie笑言過程都是從橦板中學習：「起初都係抱住試玩嘅心態。呢盤生意我哋係由零開始，每個step都要親力親為，由設計到營鎖宣傳都係一手一腳去試去撞板，冇得嗌辛苦。因為當你開始咗去做，你就要全力以赴，做到最好。」