異空感應｜陳曉華孖陳家樂拍Kiss戲肉緊至嘴都紅埋？女主角咁解畫…

《異空感應》其中一個賣點，是男女主角陳家樂及陳曉華的高顏值，當中陳曉華（Hera）的「顏值好評」更是由頭帶到落尾。原本Hera劇中要一人分飾兩角「衝動可嵐」及「憂愁Mary」已相當有發揮，但由於可嵐本身是個直腸直肚、又表情多多的可愛刑警，加上Hera真實性格又是可愛活潑派，結果隨著劇集發展為可嵐及Mary這兩個角色拼發出極大生命力，喜怒哀樂表情包短短三星期已全線儲齊，當中靠有記憶點的，一定是「可愛吃朱古力」一幕，由於Hera該幕不但表情可愛爆燈，配以一對Bling Bling，著實相當gfable。以下為Hera gfable表情包集合。

+19

除了可愛多元表情包，Hera與家樂的love scene亦浪漫指數高企。昨晚播出的一集，Hera與家樂於摩天輪下聽完Windy busking獻唱《消失的你》後，二人即在餐廳的露天地方來個浪漫熱吻，Hera更被發現一度嘴到雙唇又紅又腫。問到是否因為咀得過激才出現該情況，Hera聞言即搞笑強調絕對不是因為害羞：「大家見到我又紅又腫，係因為我真係又紅又腫，因為拍時好凍、我又著得少衫，同埋呢套劇經常要淋雨，加上拍呢啲浪漫場口要長期吹風，所以呢啲戲真係冇想像中咁浪漫，會吹到人好凍、好腫、又會流眼淚，全部係敏感嘅徵狀。」、「我印象中有幾場呢啲類似嘅戲，全部都係好凍好凍，唔係山上就係海邊，我最記得尤其愉景灣真係好凍。我仲要因為開始鼻敏感，有時會成塊面腫晒！」Hera又搞笑作出呼籲：「所以現實當中真係唔好去呢啲地方浪漫，夏天冬天都最好唔好。」

對於被指在劇中雙眼特別明亮，Hera又再度發揮搞笑本色謂：「首先要多謝劇組燈光師打燈打得我咁靚啦，同埋我覺得係邢可嵐嘅感情流露，佢對住親近嘅人對眼先會Bling Bling。」