江若琳車禍後首曝光晒全家福攬實家人温馨至極：一張合照來得更加珍貴

Release date: 2024-12-16 18:00 | Entertainment News

江若琳（Elanne）日前遇上車禍，引起全城關注！幸好她只受輕傷可平安出院，大家可以放心晒。意外後，江若琳已發文報平安感謝所有救援人員，包括熱心市民，第一時間衝出來合力救她出車外，又指最重要平安無事，回家與家人團聚。

昨日（15日）江若琳更晒出全家福，見她攬到囝囝實一實，面上無明顯傷痕，一家人温馨至極，她發文：「繼續我最愛嘅崗位,一張合照來得更加珍貴，感恩有家人有大家❤️#感謝每一位關心同問候🫂🫂#人間有很多愛🥹#希望我既人生唔好再咁crazy🥲 #平安是福」

另一張相，江若琳抱住囝囝，第三張，除有投入打鼓的囝囝外，還有另一位戴了耳機的小朋友，疑似在band房中。

老公蕭唯展則晒出同一張全家福，還有太太抱住囝囝極開心的相，發文表示：「希望你嘅人生唔好再有更多嘅經歷🙅足夠了😅thank you🙏你心情都未安頓好就去工作！任性的😑敬業的❤️加油老婆💪你令我更加珍惜我地嘅屋企。」

之後，他再晒出一張帶囝囝出街照，充當全日司機：「今日係你哋嘅司機，老闆們想去邊。」一班網民祝福江若琳平安大吉，最重要一家人齊齊整整。

Shopping Cart