《正義女神》劉倬昕法庭Solo戲痛哭自責搶FO　佘詩曼親授入戲秘訣：我係好難先會喊嘅人

《正義女神》今晚（30日）首集就以14歲青少年罪犯高成彬（劉倬昕飾）喺法庭嘅Solo戲作重點，演出即時引起唔少關注。劇情講到天台遊樂場發生悲劇，8歲小童胡宇澤墮樓身亡；而年僅14歲嘅殿堂級大狀高淑樺（陳煒飾）之子高成彬被控謀殺，案件震撼全城。

法庭上，高成彬講述案發經過時指自己曾見到胡宇澤行得好危險，企咗上欄杆並跣腳向前衝，想救但終究未能成功。隨住講述愈來愈激動，高成彬慢慢雙眼通紅、全身顫抖，痛哭流涕自責說：「嗰日我係天台睇風景……我冇諗過佢會企上咗個欄杆，更加冇諗過因為咁死咗。」

高成彬直言「係我衰」，更表示若非自己笑咗對方，自己就捉得住他，亦唔會害死他，情緒真係非常爆發；惟其後佢同蘇麗慈（文頌嫻飾）對話時即時「變臉」，露出陰沉眼神並表示「我係故意」，令現場觀眾睇得心寒。

唔少觀眾都表示對劉倬昕嘅表現感到驚喜，由初時喺法庭痛哭自責的無辜情緒，到後期突然流露出陰森一面，作為新人嚟講已經相當出色，亦有網民留言稱「初頭比高成彬呃咗」、「佢做得幾好喎」以及「佢好恐怖」。

劉倬昕喺接受tvb.com獨家訪問時透露，呢個角色最難係走入高成彬的世界，因為高成彬同佢性格「好極端」。她又提到，今次反串演14歲青少年，連聲線都特別作出調整，需長時間壓低把聲，即使聲沙都要keep住，起初唔習慣但慢慢變得自然。

對於法庭情緒爆發嘅挑戰，劉倬昕直言自己本身「係好難先會喊嘅人」，要做到喊出來並唔易，所以最初收到劇本後曾諗方法用「擴張鼻孔」令自己更容易進入狀態；但到現場最終仍要靠入角色，先做到委屈感覺。至於正式Roll機時，情緒亦未達標，故非常感謝佘詩曼細心協助：佘詩曼同她傾番角色，提議想像到親眼見到小朋友跌落街嗰種無助感，更即場示範令她掌握到感覺，仲令佢自己眼濕濕。

劉倬昕亦指，總監製鍾澍佳當時有特意安排，甚至安排她連續兩日喺片場「冇理到我」，亦唔畀她同人玩，令她幾乎冇同任何人溝通，從而令她更深刻感受到孤獨同無助，最終拍攝時更能夠真正入到角色。

相片來源: 正義女神

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。