《試真D》曾展望挑戰廣州「全蟲蟲宴」嚇到表情包停唔到 水曱甴原隻上枱勁震撼

《試真D》今晚（22日）一集，曾展望（GM）未出發就已講明自己有「蟲蟲恐懼症」，但最後都要面對現實。節目去到廣州挑戰「全蟲蟲宴」，朱敏瀚（朱仔）亦會二度挑戰「臭脾老闆娘」，另外三人會體驗價錢抵到爆、仲有中醫即場把脈嘅「養生火鍋」。今晚更會首次出現滿分「小眾點評」食店！

三間食店之中，最特別就係「全蟲蟲宴」。GM光係聽到「金龜子」、「桂花蟬」同「黑螞蟻」呢啲蟲名都已經嚇到面容扭曲；到真係身處現場，被各式各樣蟲蟲「『蟲蟲』包圍」後，GM即刻爆出「嚇破膽表情包」，五官變形兼不時露出作嘔樣，仲不停湧現爛gag。他仲講到：「凍檸茶有得少甜，呢度有冇得少蟲架？」引到美儀姐都卡卡聲。

當中令GM最難頂嘅有「肥嘟嘟南瓜蟲」同「極恐怖水曱甴」。見到水曱甴原隻上枱，GM連叫八聲「嘩」，之後更不斷將碟蟲推開：「唔好圍住我，我唔係好得」、「嘩！認真，我好唔鍾意掂呢類嘢，嘩！」接住更一直Talking拖延時間，但結果被江美儀喝斥：「你講咁多！郁手啦！」、「冷靜啲，後生仔」、「點呀你」，爆笑度超標！

至於另一間都引到三位主持「嘩嘩聲」。雖然係88蚊人均嘅一人火鍋店，但食店唔但裝修靚，仲有中醫專場把脈，同度身訂造養生湯底，配合好多新鮮食材。三位主持食到舔舔脷，仲罕見齊齊畀五分，值得留意。

亮點係駐場中醫師好會玩。美儀姐把脈時搞笑指想生小朋友，中醫就用幽默回應「需要滋潤」兼「建議談戀愛」，三位主持隨即異口同聲大叫「中醫配對計劃」，現場笑爆嘴。至於朱仔二度挑戰「臭脾老闆娘」，今次仲有緣直擊食客被訓話，但經美儀姐再三追問後，先發現老闆夫婦惡人背後，其實勁有專業操守。

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。