《愛·回家之開心速遞》播近十年 眾演員證實停播 呂慧儀歐瑞偉林淑敏感不捨

TVB長壽處境劇《愛‧回家之開心速遞》播出近十年、累積超過2800集，近日傳出即將停播。消息指一眾演員日前如常返電視城開工，亦親口證實劇集停播屬實。

TVB娛樂新聞台獨家報道，歐瑞偉受訪時直言「唔捨得」，表示大家相處近十年，早已如同家人一樣。呂慧儀亦提到，所有節目都有開始就會有完結，自己由始至終都好珍惜每日工作機會；雖然現階段仍未知會拍到幾時，但若真係到完結嗰日，佢亦坦言「諗都會忍唔住喊」。

同時，呂慧儀亦提到一班家庭觀眾同樣唔捨得，唔少人表示要由第一集重煲。她亦表示好贊同，並笑言：「我哋隨時喺你身邊」。張景淳亦趁機感激劇組栽培，指過程中學到好多；李泳豪亦直言好唔捨得呢班家人，仲希望之後可以繼續賣咖啡。

雖然《愛·回家》即將告一段落，但TVB就會籌備全新處境劇。眾演員亦希望有機會以不同角色再續前緣。呂慧儀表示自己都幾想試下做下衰人，亦希望「丹爺」繼續參演，形容：「要有阿爸喺度，阿爸係我哋嘅定海神針」；至於「大小姐」林淑敏亦期望以全新的形式再同大家見面。

相片來源: TVB娛樂新聞台獨家報道

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。