鄭子誠＋劉倩怡做知音人：周志康感動哽咽；陳潔靈相隔17年再點評《認錯》

《中年好聲音4》本周日（31日）晚8點翡翠台播映「經典情歌之夜」下半場，節目邀得著名DJ陳海琪擔任「聲音導航」，而「知音人」則係「音樂情人」鄭子誠同其太太劉倩怡。

談到重逢場面，周志康於2009年參加《超級巨聲》入行，當時評審之一正係陳潔靈；而17年後，兩人再度喺同一個舞台相遇。周志康今次選唱難度極高的《認錯》，獲張佳添讚演出穩定；至於陳潔靈就表示，周志康而家比當年《超級巨聲》時進步咗好多。

周志康眼紅紅：感謝鄭子誠一路打氣

鄭子誠表示，見到周志康入行後的情況，明顯感受到對方好投入：志康經常通宵綵排或錄影《超級巨聲》，甚至會喺埋位時間戴住Headphones，鄭子誠一開始仲以為佢「黐咗線」，直到了解先知原來係喺練歌。

鄭子誠亦講到，佢睇得出周志康對音樂嘅執着、熱誠同認真，亦向對方送上祝福，期望對方嘅音樂路更上一層樓。主持車婉婉亦提到鄭子誠係專程到場為周志康打氣；周志康因此感動到眼泛淚光，最後哽咽說：「佢係陪我經歷咗最攰嘅Moment，喺我最攰、願意同我打氣、最真誠嘅人就係佢，好多謝鄭子誠先生。」

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。