《飛常日誌II》尖沙咀快閃騷型爆！高海寧機師Look上陣　郭柏妍空姐零死角

《飛常日誌II》將由6月15日起，逢星期一至五晚8點半於翡翠台播映。主要演員包括馬國明、高海寧（高Ling）、洪永城、劉穎鏇、周嘉洛、郭柏妍（Rosita）、吳偉豪（Rocco）、戴祖儀（Joey）、鐘柔美等。

昨日（11日）四位演員高海寧、郭柏妍、吳偉豪及戴祖儀為劇集宣傳，現身尖沙咀鬧市進行「快閃」活動。一路上四人心情雀躍，宣傳氣氛高漲：吳偉豪手持大聲公廣播，其他人則拿著宣傳海報及打卡相框，同心落力招呼途人。現場吸引不少粉絲及市民圍觀，大家拿住手機拍攝，四人亦近距離同粉絲於相框合照、簽名，場面十分熱鬧。

值得留意係，今次快閃亦為市民帶來不少「新鮮感」。在《飛常II》中，高海寧飾演機場客戶經理，平日多以OL示人；但昨日她就轉以型格機師Look現身，身形挺拔非常Chok。至於郭柏妍於劇中飾演副機師，昨日同樣以空姐Look登場，配上招牌甜美笑容，笑言自己係「笑容空姐擔當」，獲不少現場好評。

高Ling透露有意考小型機師執照

高海寧受訪時表示，今次係向監製自薦以機師Look出場。她又提到自己細個曾經有機師夢：「小朋友都有呢個夢想，覺得（機師）好有型。尋日特登返咗公司試衫，試完之後，我就覺得原來着起機師衫係咁挺拔，今日算係圓夢。」同時她亦透露有考慮：「如果將來有機會，我唔會向任何嘢say no。」

郭柏妍：空姐職業圓夢　宣傳後仍想再自拍

郭柏妍穿起空姐制服亦同樣覺得「圓夢」。她表示自己細細時受《衝上雲霄》等航空劇影響，對空姐職業有所憧憬，並特別提到劇中「coffee or tea」令她印象深刻。她更自爆換上空姐Look後，喺公司化妝間不斷自拍。活動完結後，郭柏妍仍然意猶未盡：「我會再攞部手機自拍，希望cap低一啲回憶。」

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。