范子睿結婚9周年壓軸清唱《向全世界說愛你》冧老婆　范子睿90分穩贏

《中年好聲音4》今晚（14日）播映「安歌之夜」下半場。一直被視為「中4炸彈」的實力唱將尤淑情今場選唱許志安的《二人行 一日後》，以為可以再創高峰，點知反而出現失準，最終以85分首次跌入待定區。

淑情今次大膽改編：以30秒無伴奏清唱作開場，期間不停挑戰高音，最後再以帶有述說感的唱腔作結。她亦透露今次編排靈感來自《中4》24強的楊嘉瓏。

可惜評審未有被說服。海兒直言：「你今日嘅拍子都有少少不穩，呢個表演唔係好適合你。」肥媽則認為她今場「諗太多」：「我覺得你冇好專心去唱歌，變咗好似『拉牛上樹』咁。」張佳添亦指出，淑情唱功一出眾，但今次未能好好運用去配合節奏，反而暴露咗弱點。

范子睿壓軸冧老婆　成功穩陣90分

相反，壓軸登場的「頭號殺手」范子睿就成功穩住陣腳。佢演繹《男人最痛》唱出個人風格，最後奪得90分。

比賽當日剛好係佢同太太結婚9周年紀念日，范子睿笑言原本打算選唱《向全世界說愛你》，但擔心未必適合自己，於是改了別首歌；更爆出太太的「下命令」：「你今次唱歌再出問題，我返屋企就扭跛你隻腳！」

在主持車婉婉提議下，子睿即場清唱幾句《向全世界說愛你》，送給到場支持的太太，邊甜唱邊派心心，現場氣氛冧到爆。

卓猷燕甩Beat失準　遺憾出局

另外，演唱《世紀末煙花》的卓猷燕因甩Beat表現失準，最終遺憾出局。猷燕感性表示：「我站在很多台上比賽，但在香港……多謝你們，用心聽我唱歌，我盡力了」。

相片來源: 《中年好聲音4》

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。