《南美潮什麼2》梁芷珮冰川「鐵達尼號」Pose Chill歎冰川威士忌 清甜到爆！

由「旅遊達人」梁芷珮（Christy）主持嘅旅遊節目《南美潮什麼2》，逢周一至周五晚上10點半翡翠台播出。今季Christy會帶大家走訪南美洲嘅拉丁國家，由智利、阿根廷、厄瓜多爾，到哥倫比亞，玩法由最凍嘅冰川體驗，到最熱嘅亞馬遜探險，真係一趟旅程玩足四季。

今晚首集，Christy就先由阿根廷開始，依次走訪莫雷諾冰川、瓦利丘洞穴同埃爾法特小鎮。當中最吸睛一定係莫雷諾冰川——佢係世界上少數仍然會持續前進嘅活冰川之一。節目提到，當地環境會影響空氣上升並形成雨雪，令冰川能夠不斷累積增生，形成相當壯觀嘅景象。整片冰川面積約250平方公里，幾乎相當於3個香港島咁大；而冰川形成至今亦估計已經約有400年歷史，面對住咁誇張嘅場面，Christy都忍唔住讚嘆：「好震撼呀！」

不過Christy唔只係影相打卡咁簡單，佢仲真係「硬淨」到去冰川上健行，登上冰川頂點睇到尖山林立嘅景觀。原來佢見到畫面會即刻諗起《鐵達尼號》經典鏡頭，仲擺出「Rose式」Pose，畫面震撼度再升一級。

至於最過癮嘅環節，莫過於Christy更加親手盛起冰川水即場試飲，同時仲親自體驗「冰川威士忌」。佢一飲即連環點讚，直言清甜得好誇張：「清甜到爆」、「好好飲」、「正到爆」，最後仲忍唔住問一句：「點解可以有咁好飲威士忌」！

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。