詹天文推新歌《得來全花費功夫》！重溫《聲夢》片段感觸落淚 歌詞寫滿出道五年心路

Windy詹天文推出全新個人單曲《得來全花費功夫》，並特別邀請到Serrini（梁嘉茵）操刀填詞，將Windy由出道至今五年的心路歷程逐一收進歌詞之中，記下每一步踏實走來的腳印。

雖然新歌《得來全花費功夫》整體旋律輕快、聽落容易上口，但歌詞其實處處藏着真實感受。Windy表示，呢首歌不單止係出道五年的一個「小總結」，更係濃縮咗佢由參加歌唱比賽、一步一腳印走到如今成功舉辦個人演唱會的成長過程。

談到創作初衷，Windy分享：「歌詞寫咗我好多經歷，諗起自己呢幾年，的確花咗好多時間、心機，先可以成長成為今日嘅Windy。呢段歷程亦提醒我要繼續去努力；我相信無論係咪我嘅歌迷，只要仍然一直堅持自己夢想嘅人，聽完都會得到共鳴。」

由於歌詞高度貼近自己的內心想法，Windy亦提到今次錄音過程非常順利。她直言自己同監製Jacky合作多次，彼此已經建立到默契，因此只用一個session就完成錄製，將真誠的情感逐句唱進歌曲之內，整體效率同代入感兼具。

至於MV拍攝，Windy形容是「好開心、好舒服」。她感謝團隊細心佈置場景，並在同一空間內選取不同位置及角度，令畫面更細膩、更有唯美氛圍。為配合回顧成長路的主題，導演更特意加入Windy小時候參加不同比賽的照片；同時亦穿插Windy當年參加《聲夢傳奇》的片段，以及多個演出中的珍貴回憶。

面對一幕幕充滿年代感的畫面，Windy坦言自己拍攝期間忍唔住落淚。她說：「原本冇諗過自己會喊，但睇返由細細個，到參加《聲夢》到依家嘅唔同片段，就即刻忍唔住流眼淚。」

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。