恋上西沙｜李尔晨为新剧晒超强胸肌引发回响 前香港男子甲一排球员 4年前踩入商界现拥7间品牌健身室

李尔晨（Kyle）在音乐特辑《恋上西沙》中的表现相当抢焦，在圈中是驰名大只仔的他，在特辑不时大晒超强胸肌及朱古力腹肌，无论线条或是弧度均相当吸睛，当中尤以罗马战士装束最特别。

为了操出这身靓肌，Kyle之前花了极多功夫日操夜操，再配合节食及「甩水」，才有如此完美效果，Kyle说：「我永远都担心自己啲肌肉状态系唔够，所以知道要除衫后事前有加紧操练，同埋戒咗夜晚嗰餐。为咗个线条出啲，我都加强咗胸肌同腹肌嘅训练，瞇埋眼就系咁操，同埋做埋甩水嘅部分。之前做运动员就唔使甩水，但退咗役就要。」

予人感觉是运动达人的Kyle，在特辑中是直立板、高尔夫球及棍网球专家，不过Kyle笑言其实他自己也是首项接触相关三项运动，故此扮专家对他来说也是颇大挑战。热爱增值的Kyle，又指近期爱上打网球，更与邓智坚、孔德贤、黄子恒、黄庭锋等等是波友。

谈到近况，四年半前开始投资健身室的Kyle，晃眼间已计划开第7间健身室（包括下年五月前落成的深圳及启德分店），年尾更会开设首间美容院，甚有生意头脑。虽然看似风光，但Kyle坦言这条生意路走来不易：「做生意由零开始，慢慢遇上唔同嘅人同机会。四年半前开第一间时，当时Opening好多圈中人同乐小姐都有到场祝贺。当时大概系疫情前半年左右，之后撞正疫情个经济就一直都唔系几好。」Kyle续指由于他与Partner开设的是女士专属健身室，加上教练团队条件优秀，更有前港队成员坐阵，故开幕后反应及生意不俗，品牌于女士运动界亦颇有名气。「所以今年我一次过开咗两间分店，喺湾仔同荔枝角，都系我同Partner几大胆嘅决定，因为个市唔系太好，但亦因为咁，好多铺头做唔住，好多人退出呢行，所以我哋选择喺呢个时候去扩充。嚟紧我哋会喺深圳同启德再有新铺。」

由于要同时兼顾生意及艺人工作，Kyle坦言心理压力好大，除了因为多嘢兼顾，亦因为他惊觉运动员的一套完全不能应用于生意及演艺路上：「做生意永远冇尽头，即系做得差时你会想点样做好，做得好似好好时，又想做得更加好，系无止境嘅追求，真系要用好多时间适应。以前做运动员，你打个波落地下攞一分，标准嚟架嘛，但做生意做演员唔系喎，咩叫好呀？唔知架喎，唔系用力就可以，所以真系要用好多时间调整同适应，亦因为咁呢几年成长咗好多。」